Governu Apela Sidadaun Elizivel Simu Vasina Covid-19
Naunil Média (Díli), Relasona ho numeru kazu Covid-19 ne’ebe sa’e maka’as, Nune’e Governu Konstituisionál da Walu liu komisaun inter-Ministerial implementa vasina Covid-19, Apela apela ba sidadaun elizivel atu bele simu sira nia vasina.
Komisaun Inter-Ministerial ba Implementasaun Vasinasaun Covid-19 apela ba populasaun sira ne’ebe elijivel atu simu sira nia vasina hodi bele proteze sira nia aa’n husi forma grave no maté tanba covid-19.
“Ami husu ba populasaun sira ne’ebè mak idade ho tinan 18 ba leten, liu-liu ba sira ne’ebé mak idade tinan 60 no iha komplikasaun moras oi-oin, atu bele simu sira nia vasina lalais, hodi proteze sira a’an,” Dehan reprezentante porta-voz ba Komisaun Inter-ministerial ba Implementasaun Vasina Covid-19,Maria Santina de Jesus Gomes ba Jornalista, liu husi komferensia imprensa iha Salaun MSSI Kaikoli,Kinta, (26/08).
Nia hatutan,vasinasaun kontra moras ne’e mak hanesan dalan di’ak liu ba ita hotu nia protesaun kontra moras ne’ebé grave no mós mate.
“Tanba ne’e iha númeru kasu ne’ebe aumenta ho Covid-19 iha hospital desde pandemia Covid-19, hahu iha Timor-Leste iha faze vasinasaun ba nia ema sira ho eligivel atu proteje ita nia nasaun hodi kontra moras ne’e,” haktuir reprezentante ne’e.
Tuir statistika atual hatudu númeru ba sira ne ebé mak la simu vasinasaun no hetan moras Covid-19 iha semana liu ba dobru fali sira ne’ebé mak hetan vasina ona.
“ Tanba ne’e maioria husi sira ne’ebé mate ona mós mai husi ema ne’ebé mak seidauk hetan vasina no ema ne’ebe vasina iha simtomas Ne’ebe ladun grave,vasina hasoru Covid-19 ne’e nu’udar interese ba ema hotu ne’ebe mak elizivel atu simu.” Nia esplika
Governu mós nafatin kontinua fornese vasina Covid-19 nian iha sentru saúde no mós pontu imunizasaun sira ne’ebe mak defini ona iha teritoriu tomak, hodi kampaña surtu ne’ebé mak agora daudauk la’o hela iha munisipiu seluk inklui Baucau, no Ermera. Ana
