Kazu Covid-19 Foun Ohin Sae Ba 307 No Mate Nain Haat
Naunil Media (Díli) Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Liu-husi Centro Integrado Gestão de Crise, Sala Situação(CIGC-SS- sigla portugues) ohin regista kazu Covid-19, 307 no mate nain haat (4).
Koordenador SIJK Rui Maria de Araújo informa, kazu foun ba Iha loron 26 Agustus 2021 total 307 iha Dili, 243, Baucau 30, Munisipiu seluk 34, rekoperadu 152, no mate nain haat (4).
“Kazu detetadu foun ne’ebé relata ohin dia 26 de Agostu 2021, iha Dili 243, no Munisípiu seluk 34, husi total kazu detetadu foun ohin mane 154, feto 153, husi total kazu detetadu foun ohin, hirak ho idade entre tinan 12-59 nain 253, Idade 60 nain 13, husi total kazu foun ohin 114 Kazu ka (37%) “, Dehan Kordenador Forsa-Tarefa ba Prevensaun no Mitigasaun Surtu Covid-19 ba Jornalista sira via de komunikadu imprensa, 26/08.
Rui Apela ba populasau Timor-Leste, populasaun iha Dili laran nomós iha Munisipiu sira seluk, aprezenta an iha fasilidade saúde públiku, Sentru Saúde ka hospitál ne’ebé besik, wainhira sente isin- manas, kakorok moras, inus-ben, mear, bele hetan atendimentu husi profisionál saúde sira nune’e bele hetan atendimentu.
“populasaun Timor-Leste, favor respeita nafatin regra prevensaun no ijiéne individual, ne’ebé Governu hatu’ur ona, atu prevene moras Covid-19 da’et ba maka, hanesan uza maskara, fase liman bei-beik ho sabaun ka dezinfetante ruma, evita kose liman ba matan, inus ho ibun, wainhira kumprimenta malu, la presiza ka’er liman, bensa-liman, rei-malu ka haku’ak malu, evita halibur malu barak hamri’ik ka tur do’ok husi ema seluk, mínimu metru ida ho balun”,Koordenador esplika.
Koordenador Rui Maria de Araújo relata, Laboratoriu halo teste PCR ba komunidade iha Dili inklui husi Munisipiu.
“Husi horiseik mai ohin, loron 26 fulan Agustu, hamutuk hotu Laboratóriu Nasionál Saúde halo testes PCR ba komunidade hamutuk 814 iha Dili. No husi total testes PCR ne’ebé halo horiseik to’o mai loron 26 fulan Agustu iha Munisipiu sira seluk , REAOA & HNGV hamutuk 420, ho detalle hanesan tuir mai Baucau 107, Ermera 10, Maliana 47, Maubisse 20 , RAEOA 48, Suai 92, Viqueque 8, Lospalos 13, HNGV 92”, nia esplika.
Koordenador Salienta, total kazu ativu ohin loron 26 fulan Agustu tinan 2021 hamutuk 307, total kazu konfirmadu kumulativu iha loron 25 fulan Agustu tinan 2021 hamutuk 4.203 (sura husi 21 Marsu 2020), 15.603, total óbitu 56. Ho detalles hanesan vijilánsia sentinela 34, Rastreiu ba kontaktu, Contact tracing 279, rastreiu aleatóriu (Random Screening 174, Viajen sai husi serka sanitária Munisipiu Dili 263, Viajen Internasionál 64 , Follow up iha kuarentena 3. IVO
