Vasinasaun Covid-19 Doze Dahuluk Atinji Ona 380,300, Doze Daruak 187,600

Naunil Média (Díli), Reprezentante porta-voz ba Komisaun Inter-ministerial ba Implementasaun Vasina Covid-19, Maria Santina de Jesus Gomes informa, to’o ohin loron vasinasaun covid-19 doze dahuluk totál ema nain 380,300, kompleta doze daru’ak hamutuk 187,600.

 ba Jornalista, liu husi komferensia imprensa iha Salaun MSSI Kaikoli,Kinta, (26/08).

“ Ho nune’e Timor-Leste simu tan ona vasina adisionál hamutuk 468,000 iha semana rua liu ba, fornese husi governu Australia doze Covid-19 hamutuk 300,000 iha loron Kuarta-feira (11/08) liu husi suporta direita, inklui apoiu husi governu Japaun fornese vasina Covid-19 hamutuk doze 168,000 iha loron (13/08) liu husi fasilidade covax nian.” Dehan Reprezentante porta-voz ba Komisaun Inter-ministerial ba Implementasaun Vasina Covid-19, Maria Santina de Jesus Gomes, ba Jornalista, liu husi komferensia imprensa iha Salaun MSSI Kaikoli,Kinta, (26/08).

Nune’e ohin loron Timor-Leste simu ona aimoruk vasina husi doador sira hamutuk doze Milliaun ida.

“Ami agradese tebés ba vasina sira ne’ebé mak oferese ona husi Governu Australia no mós Governu Japaun nian, nasaun doador sira ba fasilidade Covax nian no governu Xina, governu New Zelandia inklui Governu Portugal ba fornesimentu vasina sira iha fulan hirak liu ba ne’ebe ajuda tebés ami atu kontinua ami nia kampaña vasinasaun nasionál.” Haktuir reprezentante ne’e

Total Númeru vasinasaun iha Timor-Leste husi nasaun Lima mak hanesan:

1. Australia (AtraZeneca doze hamutuk, 577,588).
2. New Zeland (Covax Atrazeneca hamutuk, 124,800).
3. Japaun (AtraZeneca Doze hamutuk, 168,000).
4. China (Sinovac 100.000).
5. Portugal (AtraZeneca doze hamutuk, 12.000).      

 Nune’e ohin loron, Timor-Leste rejista ona kazu Covid-19 hamutuk 15,296 no entre numeru ne’e, nain 52 mak mate ona,” Ana