Númeru Covid-19 Aumenta MS Husu Populasaun Simu Vasina Lalais
Naunil Media (Díli), Ministra Saúde (MS) Liu-husi Komisaun Interministerial ba implementasaun Vasina kontra COVID-19 iha Timo-Leste, Apela ba Populasaun sira ne’ ebé elijivel, ho idade 18 ba leten, simu lalais vasina hodi Proteze an husi Covid-19.
Tuir kominsaun interministeriál Danina Coelho hateten, Kampaña vasinasaun ne’e kontinua iha rai-laran tomak, iha fasilidade saúde nomós sentru sira ne’ebé mak defini ona, tanba númeru infesaun covid-19 aumenta.
“Ita hatene katak, vasina kontra Covid-19 fó protesaun ne’ebé maka’as, liu-liu hasoru kondisaun grave husi COVID-19 nian. Numeru infesaun nomós mate aumenta iha semana kotuk ne’e, sentru izolamentu nakonu ho ema sira ne’ebé maka hetan moras COVID-19, maioria husi ema sira ne’ebé maka iha forma grave ka mate ona, mak sira ne’ebé seidauk hetan vasina,” Dehan Dra.Danina ba jornalista sira liu-husi Konferensia Impresa iha Salaun, MSSI, Kaikoli, Sexta(27/08).
Nia hatutan, Vasina ne’e hanesan meius ida ne’ebé maka hodi proteje ema husi moras covid-19, tan ne’e maka iha KO ne’e la aplika ba kompaña vasinasaun.
“Vasinasaun Kontra Covid-19 ne’e hanesan dalan di’ak liu atu protėje hasoru moras grave no mate, tamba ne’e ho medidas restrisaun ne’ebé aplika iha faze ida ne’e, hanesan konfinamentu obrigatoriu sei la aplika ba atividade kampaña vasinasaun kontra COVID-19, to’o ohin loron ema liu 50% maka simu ona Vasina doze dahuluk hodi Kontra COVID-19, ema liu ona 25% iha Timor-Leste nia laran tomak maka simu ona Vasina kompleta na’in (192,000).
Agora dau-daun ne’e, Timor-Leste iha vasina COVID-19 nia doze hamutuk rihun barak, no sei disponivél ba ema sira ne’ebé ho idade tinan 18 ba leten, agora daudaun distribui hela ba sentru saúde sira nomós pontu imunizasaun Sira iha teritoriu tomak”, Dra esplika.
Danina relata, to’o ohin loron, Timor-Leste rejista ona kazu COVID-19 nian hamutuk 15,603 no nain 56 maka mate ona, tan ne’e husu ba populasaun sira uza nafatin Maskara, Fase Liman ho Sabaun, Mantein distánsia (fiziku) iha fatin públiku, mear ka fani karik tenki uza liman sikun, no labele kaer oin bainhira seidauk fase lima moos. Ana
