FEATUREDIkus LiuNewsPolitika

PR Promulga Dekretu-Lei Apoiu Estraordinários Ba Insersaun Merkadu Traballu

Fahe Tutan

Naunil Media (Díli), Prezidente Repúblika, Francisco Guterres Lú-Olo, promulga Dekretu-Lei kona-ba apoiu estraordinárius ba insersaun iha merkadu traballu, hodi tulun traballadór sira ne’ebé dezempregu. Tanba impaktu sosioekonómiku husi implementasaun medidas prevensaun no kombate pandemia Covid-19.

“Implementasaun medidas prevensaun no kombate pandemia Covid-19, lori impaktu ba atividade ekonómiku ne’ebé menus, númeru dezempregu aumenta no risku sai kiak,”dehan PR, Liu-husi komunikadu  imprensa, iha Palasiu Prezidensial Bairo-pite, sexta, (27/08).

Aman ba Nasaun ne’e hatutan, programa ne’ebé maka husi PNUD no SEFOPE ne’e sei fó benefisia ba traballador sira hamutuk aldeia 50.

“Liu-husi Programa trabalho contra remuneração iha ámbitu Supporting Flood Response and Recovery Project ho apoiu finanseiru hamutuk US 1.000.000 (miliaun ida dólares norte-amerikanu) jere husi Programa Nasoens Unidas ba Dezenvolvimentu (PNUD) no koordenasaun ho Sekretária Estadu Formasaun Profissional no Empregu (SEFOPE) sei benefisia traballadores besik 5000 iha 50 aldeias.

Programa ne’e,sei lori impaktu liu-tán liu-husi promove insersaun traballadór sira iha merkadu traballu no insentiva partisipasaun setor privadu hodi fó apoiu finanseirus ba empresa no traballadór sira”, PR haktuir.

Prezidente esplika, Lei fó dalan atu governu bele fó apoiu ba empresa 70% husi kustu remunerasaun ba traballador sira.

“Dekretu-Lei fó dalan ba Governu atu fó apoiu ba empregu liu-husi pagamentu ba empresa to’o 70% husi kustu remunerasaun ba nia traballador sira livre husi dever atu selu kontribuisaun ba seguransa sosial no pagamentu ba súbsidiu estraordináriu dezempregu, promove manuntensaun postu traballu, kontratasaun traballadores no hala’o hikas filafali atividade ekonómika.

Apoiu finanseiru ba empregu sei selu ba fulan tolu nian  husi marsu to’o maiu 2021 ba traballadór sira ne’ebé integra iha programa trabalho contra remuneração,”nia haktuir.

PR deklara, Situasaun ne’e hetok iha impaktu bo’ot liu-tan ho inundasaun ne’ebé akontese iha 4 abril 2021, tanba ne’e Estadu halo aprovasaun ba medidas apoiu ba empregu liu-husi Lei númeru 8/2021, 3 maiu.  Ana

Leave a Reply

Your email address will not be published. Required fields are marked *