PNTL Kaptura Membru PSHT Nain 24 Iha Fronteira
Naunil Media (Bobonaro), Polisia Nasionál Timor-Leste ( PNTL ), kaptura sidadaun Timor oan 24 hanesan mós membru persaudaraan setia hati terate (PSHT), fronteira hafoin fila husi Atambua mai Timor.
Tuir Komandante Unidade Patrullamentu Fronteira (UPF), Superintendente Polisia Euclides Belo hateten, membru PNTL servisu koletiva hodi kaptura tan membru grupu artemarsiais balun ne’ebé fila mai Timor.
“Membru PNTL horikalan servisu koletivu kaptura tan sidadaun Timor oan nain 24 hanesan mós membru grupu Arte Marsiais husi PSHT (Persaudaraan Setia Hati Terate) iha area fronteira, Suku Cova, Postu Administrativu Balibo, Munisipiu Bobonaro ne’ebé tama hikas mai teritoriu Nasional husi Atambua-Indonezia”, esplika komandante UPF, Euclides Belo, ba jornalista Naunil media husi via telefone, sabado,(28/08).
Komadante hatutan, PNTL kaptura sidadaun membro grupu artemarsiais PSHT nain 24 inklui sidadaun bain-bain nain 4 ne’e halo transaksaun ilegal.
“Iha oras tuku 4 loraik ita kaptura nain 3 iha area Korluli-Maliana, iha oras tuku lima loraik ita halo check point iha kompañia oin maka deteta nain 5, meia noite kaptura ema nain 8 iha área Posto UPF Derok-Ren no iha fatin hanesan kaptura tan nain 8 iha tuku 4 dader ne’e. Iha nain 4 seluk ne’ebé la’os membru GAM, membru UEP no Ekipa apoiu Komandu Jeral kaptura iha área Posto Memo ho razaun halo transaksaun ilegal”, nia haforsa.
Euclides akresenta, agora daudaun sidadaun Timor oan nain 24 ne’e iha hela prosesu identifikasaun no sei entrega ba parte Covid-19 hodi kumpri uluk lai protokolu saude nian, depois maka kontinua ba prosesu administrativu no kriminal nian. Ana
