Governu Kontinua Sulan Populasaun Díli, Inklui Vasina Dala Rua
Naunil Media (Díli), Prezidensia Konsellu Ministru Fideliz Manuel Leite Magalhães, Informa governu kontinua mantein konfinamentu obrigatóriu iha kapital Díli inkliu vasina dala rua labele lao livre.
“Ema sira hotu iha munisípiu Díli inklui sira ne’ebé maka vasina kontra COVID-19 kontinua hela iha uma, bele sai de’it tanba razaun Saúde, ba serbisu (iha kazu administrasaun públika, superiór ierarkiku define funsionáriu ne’ebé maka dispensadu husi dever komparénsia), atu asesu ba sasan no serbisu ba nesesidade bázika no atu simu vasina kontra COVID-19”, Dehan Prezidensia Konsellu Ministru Fideliz Manuel Leite Magalhães ba jornalista sira hafoin reuniaun konsellu ministrua iha Ministeiru Finansas Aitarak laran, kuarta (01/09).
Nia hatutan, Taka ba públiku estabelesimentu komersiál, industriál, artezanál ka prestasaun servisu iha setór privadu ekonomia sira hotu ne’ebé dezenvolve atividade iha munisípiu Díli, ho esesaun sira ne’ebé maka prevene antes.
Kompara ho Rezolusaun anterior Rejista de’it alterasaun rua permite atu sai husi uma ba fatin seluk hodi realiza resenseamentu eleitorál no ba parte seluk atu asegura funsionamentu ba empreza prestasaun servisu sira ba kontrolu peste nian (Pest Control), Nia dehan.
La renova impozisaun Konfinamentu Obrigatóriu Jerál (lockdown) ba populasaun iha postu administrativu Ermera no Railaku, iha munisípiu Ermera.
Impoin serka sanitária iha Munisípiu Manufahi, hahú husi loron 2 fulan Setembru tó loron 15 fulan Setembru tinan 2021.
Bandu ema atu tama no sai husi munisípiu ne’e, exetu tanba siguransa públika, saúde públika, asisténsia umanitária, manutensaun sistema abastesimentu públiku ka realizasaun interese públiku.
Proibisaun hirak ne’e la abranje ba ema hirak ne’ebé maka komprova ona vasinasaun kompleta (doze rua) kontra COVID-19, nune’e mós ba labarik ki’ik sira ho idade tinan neen mai-kraik ne’ebé akompaña ema sira ne’e. Ana
