FEATUREDGeralIkus LiuNewsUncategorized

Komunidade iha Kaipelulara Gugleur Maubara Husu Governu Loke Estrada Foun

Fahe Tutan

Naunil Media (Maubara), Xefí aldeia Vatumori iha Gugleur, postu Maubara, munisípiu Liquiçá, Alexandrino de Jesus husu governu loke estrada foun ba komunidade bairu Kaipelulara,  nune’e sira bele asesu ba estrada.

“Husu ba governu sentral atu tau atnesaun ba komunidade ba komunidade bairu Kaipelulara iha aldeia Vatumori iha Gugleur atu bele loke estrada foun ba sira, nune’e sira bele asesu ba estrada, tanba tinan barak sira izola tebes”, Dehan xefí aldeia Vatumori Alexandrino de Jesus ba Naunil Media iha sede suku Gugleur foin lalais ne’e.

Lider komunitariu ne’e hatutan, Kominidade refere iha inisiativa kee dalan, maibé sira la iha forsa atu kee ba estrada, sira kee de’it ba morizada mak bele liu no no sira uza ba lao ain.

“Estrada  iha komunidade bele hetan rendimentu, estrada la iha komunidade la hetan rendimentu tanba distansia ba merkdau dok, susar atu lori produtu ba iha merkadu”, Nia preokupa.

Nia dehan, komunidade sira iha produtu hanesan hudi, aifarina, talas, maibé labele lori barak ba faan iha merkadu, tanba estrada la iha merkadu dok husi sira nia hela fatin.

Total uma kain iha aldeia Vatumori 142 no populasaun 689. Lop

Leave a Reply

Your email address will not be published. Required fields are marked *