Estudante Novalino Leba Lis Haleu Merkadu Taibesi Hodi Selu Eskola
Naunil Media (Díli), Nesesidade obriga tempu ferias estudante Novalino Sousa da Silva tenke leba lis hadulas merkadu Taibesi hodi hetan osan sustenta nia estudu.
“Ha’u hakaran faan lis ne’e atu buka osan hodi bele ajuda fali inan, aman no osan balun tau ba kofre ha’u nian”, Dehan Novalino Sousa da Silva ba Naunil Media, iha Merkadu Taibesi, Sesta (04/09).
Nia hatutan, measke loron manas kosar metan sulin kesi kabun, maibé la sente kolen lao nafatin tó lis ne’e ema hola hotu.
“Objetivu faan lis mai husi atan ha’u rasik, hodi bele hetan osan ruma ne’e bele selu ha’u nia eskola”, Katak nia.
Novalino ho tinan 10, eskola iha Pre-Primária No 4 Ai-turi laran Dili, klase 3 deside atu aproveita tempu feriadu hodi buka osan liu husi fan lis hadulas areadores merkadu Taibesi, hodi buka osan ajuda inan, aman maibé nia hateten katak lis nebe’e nia fan ne’e la’os inan aman mak haruka, maibé husi nia hanoin rasik atu bele tulun inan aman, tanba agora Governu suspende hela eskola.
Entertantu lis ne’ebé Novalino fan ne’e ho folin $25 centavos, kada loron nia bele hetan osan $10 dolar dala ruma ema sosa de’it tó $5 dolar. Dul
