Poezia Ne’e Dedika Ba Enfermeiro/a, Parteira no Tekníku Aliadu Sira Iha Timor-Leste

Naunil Media (Díli), Poezia ne’e hakerek husi ha’u nudar médico dedika ba belun enfermeiro/a, parteira  no tekníku aliadu sira hotu iha Timor-Leste,  ne’ebé la kolen hamrik nafatin ho ami médico sira iha linha frente hodi salva povu Timor-Leste nia vida husi moras Covid-19.

TUTULU:’BATA MUTIN HALIBUR ITA BA KAUZA IDA DEIT “SALVA VIDA UMANA”.

Ha’u belun di’ak,

Husi vokasaun ha’u kuñese ó,

Bata mutin ne’e mak halibur ita,

Misaun dignu ne’e halo ita sai ida de’it.

Tempu barak liu mak ha’u hamutuk ho ó atu servi ema seluk,

ó mak ha’u nia maun alin,

ómak ha’u nia feton ho nan lolos.

Ita nudar ekipa ida família ida!.

ó mai iha ha’u sorin atu tulun ha’u,

ómai atu kompleta ha’u nia frakeza.

Wainhira ha’u dukur o hader an nafatin hodi hamaluk moras sira,

ómak ha’u nia esperansa.

Naha ne’e todan demais, ha’u mesak hulan labele,

ó nia prezensa bele hakman naha todan ne’e,

Ita rua hamutuk luta ba kauza ida deit ” salva vida umana”.

Maske kolen ó hatudu nafatin o nia oin midar,

Hateke ba ó nia hamnasa halo ha’u kolen lakon.

Ita nia sakrifisiu halo moras sira senti seguru,

Ita rua nia liman badaen halo moras sira hetan isin di’ak.

Obrigadu wain ha’u belun di’ak,

Nai Maromak sei rekompensa ita nia sakrifisiu.

Dili,  2 de Setembro de 2021.

By:Dr.Herculano Seixas dos Santos,Esp Cardiología.

Hospital Nacional Guido Valadares.