UPF KAPTURA SIDADAUN TIMOR-OAN NE’EBÉ UZA KILAT ANIN 1
Naunil Media (Covalima), Hafoin Tentara Nasional Indonezia(TNI), asegura kilat lolon 100 iha área fronteira entre Timor-Leste no Indonezia, KomandoPolisia Nasionál Timor-Leste(PNTL) liu-husi Unidade Patrullamentu Fronteira(UPF) intensifika nia área kobertura hodi halo patrulla la’o ain konsege kaptura sidadaun nain 1 ho inisial SJ iha aldeia Foholulik, Suku Beiseuk, Postu-Administrativu Tilomar, Munisipiu Covalima, tanba sidadaun ne’e rasik uza kilat anin.
Tuir Komandante UPF Superintedente Euclides Belo hateten, Sidadaun ne’e UPF kaptura liu-husi operasaun rutina iha fronteira terrestre Timor-Leste ho Indonézia, tanba sidadaun ne’e kontra lei númeru 5/2017 ko’alia konaba arma branka.
“Iha oras tuku lima loraik ne’e, ita asegura sidadaun SJ no prende mós kilat anin lolon 1 ho marka AESE 92 hamutuk ho nia nain iha area Postu Administrativu Tilomar.
Tanba sidadaun ne’e kontra ona lei númeru 5/2017 kona-ba arma branka nian”, dehan Euclides Belo, sabadu, (05/09).
Komadante hatutan, nia membru sira halo ona identifikasaun no entrega ona sidadaun ne’e hamutuk ho objetu ne’ebe UPF prenda ba Komandu PNTL Munisipiu Covalima halo prosesu investigasaun hodi prosesa tuir lei ne’e.
“Ohin madrugadatuku 6 dader mós ami halo apresaun ba sidadaun feto ida naran inisial SNR ho motorizada tula mós nia oan sei ki’ik, tanba lori tabaku sek bantal hamutuk 9,”nia subliña.
Komadante UPF informa, horiseik to’o ohin loron UPF kompaña Bravo Covalima servisu koletivu, halo nafatin patrulla kalan no loron hodi kontrola liña fronteira liu-liu hare’e ba sidadaun sira ne’ebé tama ilegal inklui ho sira ne’ebé halo transaksaun ilegal. Ana
