Ohin SIJK Relata Díli no Bobonaro Rejista Mate Covid-19 Rua
Naunil Media (Díli), Koordenadór Forsa Tarefa ba prevensaun no Mitigasaun surtu Covid-19 iha Timor-Leste Rui Maria de Araújo, Hateten Sentru Integradu Jestaun Krize no Sala-Situasaun (SIJK-SS sigla portugés), ohin Rejista tan Kazu ema Mate ba Covid-19 na’in rua.
Iha komunikadu inpresa ne’e Rui Maria de Araújo Relata katak númeru óbitu ka ema mate ohin na’in (2) husi Munisípiu Díli Ida no Bobonaro Ida, no Kazu rekoperadu nafatin barak-liu kazu foun.
“Kazu foun relata ohin (80) Dili: 56, Baucau: 12, RAEOA: 10, munisípiu Seluk: 2, Rekuperadu ohin (130) Kazu ativu ohin (4.132), óbitu ohin (2)” dehan Koordenador Forsa Tarefa ba prevensaun no Mitigasaun surtu Covid-19 Iha Timor-Leste Rui Maria de Araújo ba jornalista sira liu husi komunikadu imprensa, segunda (06/09)
Nia haktuir, total kazu detetadu foun ohin, kazu 22 (27,5%) maka hatudu sintomas no kazu detetadu foun ohin, 14 (18%) simu ona vasina kompletu 12 (15%) simu ona vasina doze dahuluk.
Nia dehan Feto ho tinan 76 timoroan hela iha Maliana seidauk vasina iha loron 31 fulan Agostu 2021 diagnostikadu iha Ospital Referensia Maliana, ho sindroma insufisiensia respiratoria aguda (SIRA) tanba Covid-19. Matebian sofre mós diabete, iha istória tratamentu tuberkuloze pulmonar AVC iskemiku ho hipertensaun, Matebian is-kotu horiseik 11h00.
Óbitu ida seluk Feto, ho tinan 64, timoroan, hela iha Dili, seidauk vasina, iha loron 25 fulan Agostu 2021 diagnostikadu iha HNGV, ho sindroma insufisiensia respiratoria aguda (SIRA) tanba Covid-19. Iha loron ne’e kedas matebian hala’o tratamento iha Lahane. Matebian iskotu ohin dadeer 11h55.
Nia Relata, Izolamentu Vera Cruz, Lahane, HNGV no fatin seluk iha territoriu laran tomak, halo tratamentu hospitalizadu ba kazu detetadu pozitivu hamutuk (91) Grave: 11,Moderadu: 60, Leve: 20
Tuir dadus Jeral ohin 06 setembru tinan 2021 Kazu foun relata ohin (80) Dili: 56, Baucau: 12, RAEOA: 10, Munisipiu Seluk: 2, Rekuperadu ohin (130) Kazu ativu ohin (4.132), óbitu ohin 2 sae ba (82).Total komulativu kazu konfirmadu Sura husi 21 marsu 2020 tó mai ohin hamutuk (17.698). Ipe
