Hakotu Konfinamentu Obrigatoriu Iha Díli
Naunil Media (Díli),Konsellu Ministrus hala’o sorumutu iha auditóriu Ministériu Finansas, hafoin halo análiza ba aprezentasaun husi pontu situasaun epidemiolójika país, husi koordenadór Sala Situasaun Sentru Integradu Jestaun Krize (SIJK) nian, deside ona, hodi hakotu konfinamentu Obrigatoriu iha Munisipiu Díli.
“Hakotu impozisaun Konfinamentu Obrigatoriu Jerál (lockdown) ba populasaun iha Munisípiu Dili nian, husi tuku 23:59, loron 9 fulan-setembru tinan 2021.
Mantein impozisaun serka sanitaria iha Munisípiu Baucau, Ermera, Dili, no Kovalima, to’o loron 22 fulan-setembru tinan 2021,”dehan Ministru prezidénsial konsellu ministrus Fidelis Manuel Leite Magalhães, liu-husi komunikadu imprensa, iha Ministériu Finansas , Aitarak Laran, kuarta 08/09.
Fidelis hatutan, hakotu impozisaun serka sanitaria iha área sira ne’ebé abranja husi suku Naimeko, postu administrativu Pante Makassar, no husi suku Bobometo, postu administrativu Oesilu, suku rua ne’e iha Rejiaun Administrativa espesiál Oecusse Ambenu nian, to’o tuku 23:59, husi loron 8 fulan-setembru tinan 2021.
Impozisaun serka sanitaria iha Munisípiu Manufahi, ne’ebé vigora to’o loron 15 fulan-setembru tinan 2021, la iha alterasaun. Ho nune’e, bandu nafatin tama no sai husi munisípiu Baucau, Kovalima, Dili, Ermera no Manufahi, tanba ne’e ho razaun sira seguransa públika, saúde públika, asistensia umanitária, manutensaun ba sistema abastesimentu públiku ka razaun seluk ne’ebé presiza atu hala’o ba interese públiku nian.
Ministru akresenta, Proibisaun ida-ne’e, la abranje ba indivídu sira ne’ebé komprova ona vasinasaun kompleta (doze rua) kontra COVID-19 nian, nune’e mós ba labarik sira iha tinan neen (6) mai-kraik ne’ebé akompaña indivídu sira ne’e. Ana
