KHUNTO HUSU MEJD REATIVA AULA PREJENSIAL BA ESTUDANTE SIRA
Naunil Media (Díli), Bankada Kmanek Haburas Unidade Nasionál Timor Oan (KHUNTO), Deputado Antonio Verdial husu Ministériu Edukasaun Joventude no Desportu (MEJD) atu reativa fali aula prejensial, maibé tenke kria kondisaun di’ak hodi prevene moras covid-19 no variante Delta.
“Fó impaktu bo’ot liu, tanba aulas online falla totál nune’e presiza tau atensaun no bele halo aproximasaun ba eskola privadu sira hamenus pagamentu propinas no prepara kondisaun atu reativa fila fali aula prezensiál”, dehan Presidente Komisaun G liu-husi deklarasaun,iha sala plenaria PN, Tersa,(07/09).
Nia hatutan, Wainhira Deputados sira tun ba halo fiskalizasaun iha terrenu Deputadu sira só haree no rona desvantajen husi Aulas Online ne’e fó impaktu bo’ot.
“Familia barak maka la iha kondisaun hodi sosa Telefone Android, Familia barak maka la iha televijaun hodi akompaña aulas, lnan-aman barak maka la iha tempu hodi akompaña sira-nia oan iha aulas online, tamba sira presija ba servisu hodi bele sustenta família nia oan han loron-loron,”deputadu ne’e esplika.
Antonio akresenta, Bankada KHUNTO observa lha áreas remotas la iha eletrisidade, Profesores barak maka la hetan informasaun kona-ba aulas Online, ho Profesores barak maka la preparadu hodi asesu ba aulas online sira ne’e. Ho ensinu aprendizajen ne’e, importante tebes tamba Nasaun ne’e, iha ita-nia oan sira nia liman laran.
Nia relata, Ministériu Edukasaun Juventude no Desporto (MEJD), desde inisiu kuandu Pandemia Covid-19 afeta iha ita-nia rai Timor-Leste, Ministériu Edukasaun no Ministériu Ensinu Superior Suspende aulas presensial hodi opta ba aulas Ensinu distansia ka Eskola ba uma.
“Wainhira suspensaun ba aulas sira, komisaun G ne’ebé trata ba asuntu Edukasaun Juventude Kultura no Sidadania tun ba terrenu hodi hala’o fiskalizasaun ba iha eskola sira atu haree no rona diretamente vantajem no desvantajem husi aulas distansia ka eskola ba uma sai preukupadu, Bankada KHUNTO fó Sujestaun ba Ministériu Edukasaun halo aproximasaun ba eskola privadu sira hamenus pagamentu propinas no prepara kondisaun atu reativa fila-fali aula prejensiál,” nia Esplika.
Bnakada KHUNTO, husu atu Ministériu Edukasaun halo aproximasaun ba eskola privadu sira, buka meios ou halo akordu hodi hamenus iha pagamentu propinas ka selu eskola. Husu aulas presensial atu loke fila-fali, maibé Ministériu Edukasaun tenki kria kondisaun hanesan, tau espasu ne’ebé luan entre meza no kadeira sira, tau sinalizasaun iha eskolas atu alunus sira matein distansiamentu, diminui númeru alunu sira nian, fahe alunus ba kada turma. Ana
