Ohin SIJK Rejista Tan Kazu Mate Covid-19 Na’in Tolu
Naunil Media (Díli), Koordenadór Forsa Tarefa ba Prevensaun no Mitigasaun Surtu Covid-19 Iha Timor-Leste Rui Maria de Araújo, Informa ohin loron 07 Fulan Setembru tinan ne’e Sentru Integradu Jestaun Krize no Sala Sitasaun (SIJK-SS sigla portugés), rejista tan ema mate Covid-19 na’in tolu.
Iha komunikadu imprensa tersa ne’e Rui Maria de Araújo relata katak numeru kazu detetadu foun aumenta fali, kompara ho horiseik, maski kazu rekuperadu nafatin barak-liu kazu detetadu foun.
“Kazu foun ne’ebe relata ohin (190), Dili: 122, Baucau: 25, Lautem: 9, RAEOA: 8, Ainaro: 7, Bobonaro: 6, Munisipiu Seluk: 13 no Kazu Rekuperadu (379), Kazu ativu (3.941)”, Relata Koordenador Forsa Tarefa ba prevensaun no mitigasaun Surtu covid-19 Iha Timor-Leste Dr. Rui Maria de Araujo liu husi Komunikadu imprensa tersa (07/09).
Nia dehan husi total kazu detetadu foun ohin, kazu 22 (27,5%) maka hatudu sintomasno husi kazu detetadu foun ohin, 54 (28%) simu ona vasina kompletu no 23 (12%) simu ona vasina doze dahuluk.
Nia hatutan katak Óbitu ne’ebe relata ohin (3), (1) iha Dili, (1) iha Bobonaro, (1) iha Atauro.
“Mane idade 52 timoroan hela iha Díli seidauk vasina, iha 6 setembru 2021, diagnostikadu iha HNGV, ho sindroma insufisiensia respiratoria aguda (SIRA) tanba Covid-19. Matebian sofre mos AVC iskemiku. Matebian is-kotu 20h50, horikalan iha Vera Cruz”, Dehan Rui Maria de Araújo
“Mane ho tinan 49 timoroan hela iha Díli, vasina kompletu, ohin madrugada diagnostikadu iha HNGV, ho sindroma insufisiensia respiratoria aguda (SIRA) tan ba Covid-19. Matebian hala’o tratamentu iha Vera Cruz maibé is-kotu ohin dadeer 06h55”. Hateten Eis Ministru Saúde Rui Maria de Araújo
“Feto ho tinan 59 timoroan hela iha Atauro seidauk vasina, iha 6 setembru 2021 diagnostikadu iha Sentru Saude Atauro ho sindroma insufisiensia respiratoria aguda (SIRA) tanba Covid-19. Matebian iha istoria sofre tuberkuloze, no mos anemia. Matebian iis-kotu ohin 12h20 iha Atauro”. Tenik nia
Nia Informasaun Kona-ba Ospitalizasaun no Izolamentu Vera Cruz, Lahane, HNGV no fatin seluk iha territoriu laran tomak, halo tratamentu hospitalizadu ba kazu detetadu pozitivu hamutuk (96) Grave (12), Moderadu (55), Leve (29).
Tuir dadus Jerál ohin 07 setembru tinan 2021, Kazu foun ne’ebe relata ohin (190), Dili: 122, Baucau: 25, Lautem: 9, RAEOA: 8, Ainaro: 7, Bobonaro: 6, Munisipiu Seluk: 13, Kazu Rekuperadu (379), Kazu ativu (3.941) no obitu ne’ebe relata ohin (3) sae ba (85 ba no total komulativu kazu konfirmadu Sura husi 21 marasu 2020 to’o mai ohin lron hmutuk (17.888). Ipe
