FONGTIL Konsidera UPF Falla Kontrolu iha Fronteira
Naunil Media (Díli), Koordenadór advokasia Forum ONG Timor-Leste (FONGTIL) Ivo Colimão da Costa, Konsidera Unidade Polísia Fronteira (UPF) inkapasidade kontrolu iha liña fronteira rai maran.
“FONGTIL konsidera katak konfesaun husi komandante UPF superintendente Euclides Belo hatudu katak UPF inkapasidade hodi asegura liña fronteira para bele trava sirkulasaun Armas ilegais tama iha teritoriu Timor-Leste, Tanba akontesementu refere tuir komandante UPF nia deklarasaun la’os de’it foin primeira vez, maibé akontese kedas iha tinan 10 liu ba”, Dehan Koordenadór advokasia FONGTIL Ivo Colimão da Costa ba jornalista Liu husi komunikadu imprensa iha salaun FONGTIL, sexta (10/9)
Nia hatutan, Husi esteitmen hirak iha ne’eba FONGTIL análiza bazeia ba prinsipiu de direitu, hanesan dejuri ba artigu 146 númeru 2 husi konstituisaun RDTL deklara katak, F-FDTL garantia independensia nasionál integridade teritorial ba liverdade populasaun no seguransa hasoru agresaun ruma ka ameasa externa.
“Ho respeitu ba Ordem konstituisionál signifika katak, uniku forma hodi asegura integridade teritorial iha liña fronteira hanesan AER, MAR no terestre ne’e kompetensia F-FDTL nian”, Esplika ivo.
Nia dehan, Faktus kilat balun Tama iha Timor-Leste desde Tinan 10, no interna iha fulan Agostu Tinan 2021 akontese pasajem ilegais ne’ebé komete husi timor-oan na’in atus lima ba leten, liu husi liña fronteira terestre, no iha fulan Setembru Tinan 2021 detekta sidadaun timor- oan ida hatama Armas ilegais Tama iha teritoriu Timor- Leste.
“Husi parte dejuri no defaktu hatudu katak UPF laiha lezitimidade no inkapasidade hodi hala’o sira nia knaar para asegura Liña fronteira terestre. Ne’e duni FONGTIL husu no sadik autoridade kompetente Sira hanesan sua exelensia Prezidenti da Repúblika konsellu estadu defeza no seguransa parlamentu nasionál komisaun B, Ministériu Defeza, Ministériu Interior no Konsellu Ministru, hodi hakbesik situasaun imediatamente”, Nia hakotu. LTS
