MS Apelu Ba Komunidade Moras Tenke ba Hospital
Naunil Media (Díli), Ministeru Saúde (MS) husu ba komunidade sira moras tenke ba halo tratamentu iha hospital, tanba sira haree populasaun barak moras halo tratamentu iha uma de’it.
Tuir Ministra Saúde (MS) Odete Maria Freitas Belo, Hateten moras Covid-19 ne’e iha maibé Komunidade barak moras halo tratamentu iha uma de’it.
“Moras ne’e iha maibé ita tauk atu halo tratamentu tanbà ami rona katak, ita nia Komunidade sira barak mak moras halo tratamentu iha uma de’it, entaun Kazu sira ne’e la relata”, Dehan Ministra Saúde (MS) Odete Maria Freitas Belo, ba jornalista iha salaun Palácio da Cinza, segunda 13/09.
Nia salenta, dadus ne’ebé mak fó sai ne’e ba ema hira ne’ebé mak mai halo teste Swab iha SIJK no teste obrigatoriu sira, maibé ba balun reseita ne’e sai hanesna dezafiu ida ba Ministéiru saúde atu identifika dadus ba moras Covid-19 sira ne’e.
” Dadus ne’ebé mak relata bainhira sira mai iha SIJK halo teste Suwab ou se lae ami obriga halo kontak serin ami hetan numero sira ne’e, se Ita bo’ot sira reseita mak Ida ne’e hanesan dezafiu Ida ba Ministéiru saúde e Ita la hatene númeru Ida ne’e
Governante ne’e mós argumenta tan parte sira lakoi atu ema mate barak depois mak ema mate barak atu dun los ba se mak sala.
” Ita lakoi tó tempu ida ema atu mate barak, Ita nonok hela de’it i depois ema mate barak ita atu dun ba se”, Informa nia.
Ministra ne’e mós apela ba públiku moras ne’e mai halo tratamentu iha hospital, se moras isin nanas de’it bele halo tratamentu iha ima, maibé mear ka dada i’is labele halo tratamentu iha uma maibé tenke Mai hospital atu nune’e hatene lolos moras ne’e.
“Ha’u nafatin apela ba iha Komunidade sira moras ne’e mai halo tratamentu iha hospital se imi bele halo tratamentu iha bainhira isin manas hemu Paracetamol ne’e la iha problema, maibé se karik iha ona mear dada i’is labele hela de’it iha uma maibé tenke mai hospital hodi halo tratamentu. Hakotu nia. Ivo
