MS husu Estudante Kumpri Protokolu Saúde, lae Eskola Kontinua Taka
Naunil Media (Díli), Ministra Saúde (MS), Apelu ba estudante sira kompari protokolu saúde se la lakoi kumpri protokolu saúde ne’ebeskola sei kontinua taka tanba lakoi sidadaun mate tanba Covud-19.
Tuir Ministra Saúde (MS), Odete Maria Freitas Belo, Hateten se estudante sira hakarak eskola favor ida la’o tuir protokolu ne’ebé mak iha, atu moras ne’e la bele sa’e, liliu ba iha universitariu sira bo’ot ona, bainhira la’o tuir protokolu ne’ebé mak iha no kazu ne’e la bele aas, bele loke eskola la iha problema.
“Se kazu ne’e hanesan iha fulan kotuk liu ba ita loke tiha eskola, depois iha eskola ida kazu pozitivu 50 alunus, ida ne’e ita atu halo saida, ita la bele halo buat ida, hakarak ka la kohi tenke taka eskola, ita lakohi ema mate, ita moris mak ita eskola”, Dehan nia iha Palásiu de Cinzas Kaikoli, segunda (13/09).
Enkuantu Ministra Saúde mós husu ba Ministéiriu Ensinu Superior Siénsia no Kultura (MESSK) no Ministeru Edukasaun Juventude Desporto (MEJD), atu loke fali eskola favor tenke la’o tuir protokolu saúde nian.
“Selae eskola loke semana ida de’it kazu ne’e aumenta eskola taka filafali de’it, hanesan ita halimar, imi dehan ami mak halimar lae, imi mak halimar ho moras ida ne’e, kuandu kazu sa’e eskola taka, tanba ami la halimar ho ida ne’e”, nia dehan. IVO
