PNTL Kaptura Tan Sidadaun Indonézia Nain-1 Iha Nitibe-RAEOA
Naunil Media (RAEOA), Komandante Unidade Patrullamentu Fronteira (UPF) Superintidente Euqlides Belo, Hateten Komandu Polisia Nasional Timor-Leste, liu husi Unidade Polísia Froteira UPF Compaña Charlie, ekipa apoiu komandu PNTL Rejiaun Administrativu Espesial Oe-Cusse Ambeno (RAEOA) no Ofisial Polísia Suku (OPS), kaptura tan sidadaun Indonézia na’in-1 ne’ebé tama ilegal mai Timor-Leste.
Sidadaun Indonezia ne’ebé OPS husi suku Uistaco kaptura ne’e tanba tama mai Timor-Leste ho dalan ilegal Liu husi Mahata iha área entre Kiu’ana no Nitibe-Oeltam nian.
“Horikalan OPS hosi Suku Uistaco kaptura sidadaun Indonezia mane nain 1 honaran inisial ET, idade 37, hosi Suku Naikake, Kefamenanu, Aldeia RT 1 Dusun Tali, ne’ebe tama ilegal ho objetivu atu halo transaksaun ilegal ba sasan kultural timor nian”, informa Euclides Belo, segunda (13/09)
Nia hatutan, daudaun PNTL halo ona medida hodi prosesa tuir prosedementu legal, no evakua ona sidadaun ne’e hamutuk ho ekipa prevensaun Covid-19 hodi kumpri protokolu Saúde nian halo teste restreiu.
Nia dehan, parte ható agradese wain ba sidadaun timor-oan hotu-hotu ne’ebe hela iha fronteira ba kooperasaun di’ak nafatin ho PNTL hodi kontribui ba seguransa publika, no nia husu nafatin karik deskunfia ema foun ruma informa kedas ba OPS ne’ebé besik liu sira, nune’e bele halo prevensaun hodi garante lina fronteira sai fatin seguru ba ema hotu. Ipe
