SIJK Rejista Kazu Mate Covid-19 Mane Na’in-1
Naunil Media (Díli), Koordenadór Forsa Tarefa ba Prevensaun no Mitigasaun Surtu Covid-19 Iha Timor-Leste Rui Maria de Araújo hateten ohin Sentru Integradu Jestaun Krize no sala situasaun (SIJK sigla portuges), Rejista tan Mane nain-1 Mate ba covid-19.
Iha komunikadu inprensa Segunda ne’e Eis Ministru Saúde Rui Maria de Araújo relata katak númeru Kazu detetadu foun reduz kompara ho horseik maibe Kazu rekoperadu nafatin barak Liu Kazu foun.
“Kazu foun relata ohin (82) Dili 44, Baucau 10, Manufahi 7, Raeoa 5, Munisipiu Seluk 16 no Kazu ativa 3.013, Kazu rekoperadu 1743 no óbitu (1)”, Relata Kordenador Forsa Tarefa ba Prevensaun no Mitigasaun Surtu covi-19 iha Timor-Leste Dr. Rui Maria de Araujo Liu husi Komunikadu inprensa segunda (13/09).
Nia dehan total kazu detetadu foun ohin, kazu 47 (57,3%) maka hatudu sintomas no 18 (22%) maka simu ona vasina kompletu, 9 (11%), simu vasina doze dahuluk
Nia hatutan katak óbitu ne’ebe relata ohin Mane (1) husi munisipiu Díli.
“Mane idade 65 hela iha Díli, seidauk simu vasina ohin dader madrugada, diagnostikadu Covid-19 ho AVC emorajiku iha HNGV. Matebian is-kotu madrugada, 01h19, iha HNGV. Famili disidi lori mate isin ba Uma”, hateten Dr. Rui
Nia Informa Izolamentu Vera Cruz, Lahane, HNGV no fatin seluk iha territoriu laran tomak, halo tratamentu hospitalizadu ba kazu detetadu pozitivu hamutuk (81), Grave 12, Moderadu 45 no Leve 24.
Tuir dadus Jerál ohin loron 13 Setembru tinan 2021, Kazu foun relata ohin (82) Dili 44, Baucau 10, Manufahi 7, Raeoa 5, Munisipiu Seluk 16 no Kazu ativa 3.013, Kazu rekoperadu (1743) no óbitu Relata ohin (1), sae ba (96), Total komulativu kazu konfirmadu Sura husi 21 marsu 2020 too mai ohin hamutuk (18.597). Ipe
