MESSK Longuinhos: Estudante La Vasina Sei Tuir Aula Online

Naunil Media  (Díli), Ministéiriu Ensino Superior Siénsia no Kultura (MESSK), iha semana ne’e sei rativa aula prezensiál,  maibé ba estudante ne’ebé la vasina sei tuir aula online, tanba ne’e rekezitus husi Ministériu Saúde.

Tuir Ministéiriu Ensinu Superior Siénsia no Kultura (MESSK), Longuinhos dos Santos hatete, estudante ne’ebé mak  la iha kartaun vasina nian la partisipa iha aula prezensial nian,  tanba ida ne’e lá’os obrigatoriu maibé ne’e hanesan rekejitus atu ajuda la bele halo propagasaun moras Covid-19 ba sidadaun sira hotu.

“Estudante sira ne’ebé mak la vasina sei tuir aula online, liu husi professor sira ne’ebé mak prepara ona materia, no pulsa ba estudante sira kada fulan tolu estudante ida hetan pulsa 10 dollar”, Dehan nia hafoin reuniaun Konsellu Ministru iha Palásiu Governu, kuarta (15/09).

Nia argumenta, atu vasina ne’e konsiensia husi professor no estudante ensinu superior nian no fiar katak professor no estudante sira husi ensinu superior atu bele garante vasinasaun ba futuru nian.

“Ha’u enkoraza mós ba professores sira no estudante hotu-hotu iha konsiensia ida katak tenke halo vasina, tanba dalan uniku maka vasina, para aulas prezensial atu garantia iha kontinuidade”, informa Ministru Longuinhos.

Rekomendasaun husi Ministériu Saúde katak, bele realiza aula prezensiál maibé tenke kumpri regras protokolu Saúde nian, liliu fase liman, uza maskara no distansiamentu sosial. Ivo