Númeru Vasinasaun Covid-19 TL A’as Iha Mundu
Naunil Média (Díli), Enkaregadu Negosiu Embaixada Estadus Unidus da America (EUA), iha TL Tom Da Ley, informa, Númeru vasinasaun Covid-19 iha Timor-Leste a’as tebes kompara ho nasaun sira seluk, Nune’e laiha nasaun hot-hotu ne’ebé esfosu di’ak hanesan TL halo kontra Covid-19.
“Ita bo’ot sira nia númeru ba vasinasaun covid-19 bele dehan katak a’as teb-tebes kompara ho nasaun sira seluk, Ita bo’ot sira orgolhu tanba laiha nasaun hot-hotu ne’ebé halo esforsu di’ak hanesan TL halo vasinasaun kontra covid-19. Dehan Enkaregadu Negosiu Embaixada EUA, Tom Da Ley, ba jornalista sira, iha Palasiu da Cinzas, (13/09).
Nia haktuir númeru vasinasaun bele sa’e di’ak tebes, tenke nafatin halo prevensaun.
“ TL nia nivél vasinasaun bele di’ak tebes maibe ida ne’e la sikfika ita bo’ot sira atu para de’it iha ne’e, maibe tenke halo nafatin prevensaun kontra covid-19, hasa’e númeru vasinasaun nian” Tenik Embaixada EUA ne’e.
Tom esplika, Vasinasaun bele ajuda hodi reduz severidade Covid-19, husu atu sidadaun hotu tenke simu vasinasaun.
EUA nafatin fo apoiu ba TL atu halo prevensaun ba covid-19 ne’bé mak dadaun ne’e invade mundu inklui TL. Ivo
