FEATUREDIkus LiuNewsPolitika

PN Aprova Votu Pezar Ba Eis PR Portugal

Fahe Tutan

Naunil Media (Díli),Parlamentu Nasionál aprova votu pezár ba Eis Prezidente Repúblika Portugál Jorge Sampaio, hodi rekoñese saúdozu nia kontribuisaun ba Povu ho rai Timor-Leste, iha prosesu luta ba indepedénsia nian.

“Ho votu pezar ba Joerge Sampaio, aprovadu ho nune’e mai hato’o minutu ida ho silénsiu,” dehan Prezidente Parlamentu Nasionál Em-Ezersísiu, Deputada Maria Angelina Lopes Sarmento, liu-husi sala plenária PN, kuarta,(15/09).

Iha parte hanesan, Vise-Xefe Bankada FRETILIN, Deputadu Antoninho Bianco, hato’o sentida kondolénsia ba antigo Prezidente Repúblika Portugéza nian.

“Líder polítika ida ne’ebé fó kontribuisaun bo’ot tebes ba ita-nia rain,tanba ne’e nia mandatu maka konsege asina akordu 05 de Maiu, ne’e maka ita presiza ita-nia istória no valoriza mós eis xefe estadu portugés ne’e”, xefe bankada Fretilin hato’o.

Nune’e mós Vise-Xefe Bankada CNRT, Deputadu Patrocínio dos Reis Fernandes, hato’o sentida kondolénsia ba PR Jorge Sampaio,

“Sente triste bainhira rona informasaun kona-ba eis xefe Estadu ne’e hakotu iis. Líder polítiku ne’ebé merese duni, Parlamentu Nasionál aprova votu pezár,”Bankada CNRT realsa.

sorin seluk, Vise-Xefe Bankada KHUNTO, António Verdiál de Sousa, hare’e ba iha kestaun polítika nian, antigu Prezidente Repúblika Portugéza Jorge Sampaio, internasionalmente figura ida ne’ebé importante tebes iha altura ne’ebá luta no fó mós nia kontribuisaun maka’as ba Timor-Leste.

“Ohin loron ita hetan mós ita-nia independénsia ka Ukun Rasik’an.Tanba ne’e, eis Prezidente Repúblika ne’e mós fi’ar iha independénsia Timor-Leste ninian, fi’ar katak ita laiha ona mundu ne’e, maibé Timor-Leste sei la haluhan iha ami-nia memória tomak”,Antonio Verdial akresenta.

Aleinde ne’e, reprezentante povu sira aprova votu pezar ne’e ho rezultadu votasaun a-favór 55, kontra 0 no abstensaun 0.

Eis Prezidente Repúblika Jorge Sampaio mate iha loron sesta liu bá ho idade tinan 81, tanba hasoru difikuldade respiratória iha loron 27 fulan Agostu no transfere ba Lisboa.

Jorge Fernando Branco de Sampaio moris iha Lisboa, iha 18 fulan Setembru 1939, Oan husi Arnaldo Sampaio, ne’ebé koñesidu nu’udar médiku iha saúde públika, no Fernanda Bensaúde Branco de Sampaio, nu’udar profesora lian inglés. Ana

Leave a Reply

Your email address will not be published. Required fields are marked *