Maria: Orsamentu Privativa PN Millaun US$14.7
Naunil Media (Díli), Prezidente Komisaun C, trata asuntu Finanasas Públikas Deputada Maria Angelica Rangel hateten, orsamentu privativa Parlamentu Nasional (PN) millaun US$14.7.
Naturalmente tuir lei LOFAC no rejimentu PN orsamentu privativu PN, normas ne’ebé akontese durante iha periodu naruk ne’e.
“Depois aprovasaun iha Konsellu Administrasaun tenke baisa ba iha komisaun C, atu halo análiza no halo paraser mai debate iha plenaria tuir lei ne’ebé haruka.
Iha orsamentu ne’ebé Ministériu Finansas fó pakote fiskal ba iha orsamentu PN millaun US$ 14.9 aprovadu iha Konsellu Administrasaun, tetu ne’ebé aprovadu millaun US$ 15.2, maibé ho millaun U$S 15.2 hare’e ba involope fiskal ne’ebé maka Governu aprezenta katak tenke to’o de’it US$ 14.9,”dehan prezidente komisaun C, ba jornalista sira iha PN, Kinta, (16/09)
Prezidente komisaun C hatutan, PN halo ezersisiu bo’ot hodi hatun ba millaun US$ 14.7, hodi halo aprovasaun iha orsamentu privativu PN nian.
“Maibé ita hotu hatene katak, orsamentu privativu ne’e normas ne’ebé akontese durante ne’e, halo uluk aprovasaun depois maka konta jerál mai, depois maka kombina ho Orsamentu Jerál Estadu (OJE) ne’ebé sei aprova tuir mai,”Maria Angelica esplika. Ana
