FEATUREDIkus LiuNewsPolitika

CNRT Rezeita Informasaun Apoia Kandidatu Balun

Fahe Tutan

Naunil Media (Díli), Vise Prezidente Partidu Congressu Nasionál de Reconstrução de Timor (CNRT), Virgílio Smith hateten, Partidu CNRT rezeita informasaun kona-ba Prezidente Partidu, Kay Rala Xanana Gusmão ho Partidu CNRT rasik apoia ona kandidatu balun atu avansa ba eleisaun Prezidente Repúblika (PR) tinan 2022.

“Kona-ba informasaun ne’ebé la’o hela iha públiku nia leet ne’e, katak maun bo’ot Kay Rala Xanana Gusmão , Partidu CNRT rasik maka apoia dau-dauk ona ka sei apoia kandidatu balun ho komisaun Polítika Nasionál, husi Partidu CNRT mai deklara iha ne’e katak buat ne’e hotu la loos no mesak lian falsu. 

Tanba ne’e, iha situasaun polítika atual, membru sira ho Konferénsia Nasionál Partidu CNRT sei reune ne’e, iha oportunidade ne’ebé loos, ho hanoin atu deside kona-ba kandidatu ne’ebé Partidu sei apoia iha Eleisoens Prezidensiál,”dehan vise-prezidente CNRT, iha sede bairo dos Grillus, sexta, (17/09).

Vise-prezidente CNRT hatutan, nu’udar Partidu polítiku ida, CNRT defende katak, tenke tuir didi’ak regra ne’ebé prevé ona iha ninia estatutu. Tan ne’e hakarak informa ba públiku em jerál no ba militante Partidu nian, em partikular, Partidu, liu-husi ninia orgaun máximu, ne’ebé hatur ona iha ninia estatutu, sei hasai desizaun ruma, iha tempu ne’ebé oportunu, kona-ba kandidatu ida ne’ebé maka Partidu sei fó ninia apoiu polítiku tomak.

Misaun atu salvaguarda Estadu de direito demokratíku, tuir sáida maka hakerek ona iha Konstituisaun RDTL nian, maibé ho komisaun Polítika Nasionál mós fó hatene ba públiku katak, Partidu CNRT seidauk no sei la orienta kualker partidu ida atu lori fali Prezidente Partidu CNRT nia naran hodi fó apoiu ba partidu sira ne’e”, nia esplika. Ana

Leave a Reply

Your email address will not be published. Required fields are marked *