Governu UE Apoiu Orsamentu $ 35 Millaun Ba Dezevolvementu TL Periodu 2021-2030

Naunil Media (Dili), Governu Uniaun Europeia (UE), liu-husi nia Embaixada iha Timor-Leste, hodi apoia orsamentu téknika $ 35 Millaun ba  Timor-Leste ho Planu estratéjiku Dezenvolvimentu Nasionál ba tinan 2021-2030, Prestasaun Servisu públiku ne’ebé di’ak ba povu Timor-Leste.

Iha Diskursu ne’e, Embaxador Uniaun Europeia Andrew Jacobs sente orgullu hodi fó apoiu orsamentu ba Timor-Leste, sei selu tuir atinji objetivu reforma sira nian, iha kazu ida ne’ebé relasiona ho jestaun finansas públikas.

“Uniaun Europeia kontente, hodi fó asisténsia ba Governu Timor-Leste iha reforma ba Jestaun Finansas Publikas (JFP) iha Timor-Leste, liu-husi apoiu orsamentál ne’ebé liga ba realizasaun sira husi reforma no liu-husi asisténsia téknika (ne’ebé implementa husi Camões).

Diálogu polítiku ne’e halibur Governu, Parlamentu, órgaun públiku sira hanesan Tribunal Kontas, Uniaun Europeia, sosiedade sivil, parseiru dezenvolvimentu sira no parte interesada relevante sira seluk.

 Diálogu ne’e fó oportunidade ba diskusaun nakloke kona-ba estatutu, diresaun, no dezafiu sira husi reforma JFP nian, Kona-ba Koordenasaun efetivu entre parte oin-oin, no kona-ba progresu iha implementasaurn apoiu ne’ebe Uniaun Europeia no sira seluk fornese, no ninia aliñamentu ho estratéjia no polítika Governu nian”, Dehan Ministru Finansas  Rui A. Gomes ba jornalista sira, iha Edifisiu Ministériu Finansas Aitarak-Laran, 17/09. 

Ministru Finansas hatutan, Diálogu polítiku ohin ne’e, hanesan elementu xave husi programa apoiu orsamental nian, ne’ebé fó dalan ba ita atu haree fila-fali progresu iha reforma jestaun finansas públikas nian, hodi diskute prioridade sira Governu nian iha futuru, no avalia susesu husi apoiu UE nian. Importante atu lori parte interesadu sira hotu hamutuk, inklui sosiedade sivil, hodi rona sira nia hanoin.

“Kontribuisaun finanseira husi UE ne’ebé la’o hela ba reforma JFP (apoiu orsamentu no aumenta asisténsia téknika) maka millaun EUR 30 (USD 35 millaun) apoiu husi UE aliña ho Planu estratėjiku, dezenvolvimentu Nasionál 2021-2030 ho prestasaun servisu públiku ne’ebé di’ak liu ba povu Timor-Leste.

 Apoiu orsamentu UE nian selu diretamente ba Konta tezouru nian no sai hanesan kontribuisaun ida ba orsamentu Timor-Leste nian rasik. UE maka sai hanesan fornesedór úniku ba apoiu orsamentál ne’ebé selu ona ba tezouru iha Timor-Leste,” nia esplika.

Rui akresenta, diskusaun sira kobre, entre asuntu sira seluk, lejizlasaun ne’ebé foin aprova, ka sei prepara, estratéjia JFP sira ba tempu badak no mediu no apoiu ba JFP ne’ebé fornese husi UE, inklui desenvolvimentu Kapasidade sira, no husi desenvolvimentu sira seluk. San