Membru PSHT Na’in 19 Kompleta Ona Kuarentena, Na’in 5 Pozitivu
Naunil Media (Bobonaru), Komandante Sektór Operasaun Servisu Migrasaun, Inspetur Luis do Carmo, Deklara Diresaun Jerál Servisu Migrasaun ohin halo tán Persaudaraan Setia Hati Terate na’in 19 ne’ebé kompleta ona loron 14 iha kuarentena, no na’in 5 pozitivu Covid-19.
“Membru PSHT na’in 19 ne’e Migrasaun fó ona notifikasaun durante loron 10 ba sira atu kompleta prosesa administrativu hodi selu koima masimu tuir lei migrasaun nian no na’in 5 seluk ekipa saúde sira haruka fali ba kuarentena iha ospital Maliana”, Dehan Komandante Sektór Operasaun,Servisu Migrasaun, Inspetur Luis do Carmo ba jornalista iha Kuartel PNTL munisípiu Bobonaro kinta (23/09).
Nia hatutan, Sidadaun sira ne’e Migrasaun aplika multa masimu, tanba konsege tama tó área juridiku Indonézia nian, no autoridade seguransa Indonézia deporta fila hikas mai ita nia rai, tanba hakat liu fronteira terrestre.
“Sira hakat ona fronteira terrestre liu dalan ilegál ba Atambua hodi partisipa seremónia graduasaun hasae sintu PSHT (Persaudaraan Setia Hati Terate) iha Indonézia”, Nia haktuir. Ana
