SEKOMS Husu Rákom “COVA TAROMAN” Ezerse Funsaun Ho Di’ak.
Naunil Média (Díli), Sekretáriu Estadu ba Komunikasaun Sosiál, Merício Juvinal dos Reis “AKARA”, hato’o afirmasaun ne’e bainhira hala’o vizita kortezia ba Rádiu Komunidade (RAKOM) “Cova-Taroman”, kuarta-feira, loron 22 fulan-setembru, tinan-2021, iha edifísiu rádiu Rádiu “Cova Taroman” Munisípiu Covalima. Iha vizita ne’e,
Merício Juvinal dos Reis “AKARA”, nafatin ezerse ninia funsaun ho di’ak hodi nune’e bele oferese informasaun ba komunidade sira no garante funsionamentu rádiu komunidade ne’e ho di’ak.
“AKARA” mós enkoraja Jornalista sira ne’ebé hakna’ar iha rádiu komunidade ne’e atu kobre informasaun ne’ebé edukativu, inspirativu nomós kria programa divertimentu.
SEKOMS rekoñese mós katak kondisaun fiziku Rádiu “Cova Taroman” la favoravel atu atu hala’o servisu, nune’e mos Rádiu Komunidade “”Cova Taroman” mós hetan ona karta atribuisaun husi Servisu Terras no Propriedade munisípiu Covalima hodi muda fatin ne’ebé preprara ona iha tempu badak nia laran.
Nune’e Ezekutivu ne’e, komprete katak Governu nafatin fó apoiu ba Rádiu Komunidade sira liu husi Fundus Transferénsia Públika, tanba ne’e husu ba Jestór atu kria planu no programa ho di’ak nune’e bele hetan fundus tranferénsia ho montante ne’ebé as.
Aleinde ne’e, Governante mós husu ba Jestór no Jornalista sira iha rádiu komunidade atu adapta an ho mudansa tenkolójia ne’ebé oras ne’e la’o avansadu nune’e bele dumina plataforma dijitál sira.
Iha fatin hanesan Jestór Rádiu Komunidade “Cova Taroman” Covalima, Sancho Alves, hato’o agradese ba SEKOMS tanba ho inisiativa di’ak hodi dijitaliza ona rádiu komunidade sira.
Sancho Alves ne’e afirma, liu husi Dijitalizasaun ne’e populasaun sira bele akompaña ona informasaun husi rádiu “Cova Taroman” iha estranjeiru. (Média SEKOMS)
