EL-MATADOR Sei realiza Eventu Boxin ba Dala Rua iha Outubru
Naunil Media (Díli), EL-MATADOR sei realiza eventu boxin amadora ba dala rua nian iha fulan Outubru
EL-MATADORA iha momentu ohin hakarak atu organiza boxin amadora ida tan iha fulan Outubru ho hanoin ida atu bele fó oportunidade ba atletas Boxista Timor oan sira hola parte iha eventu ne’eba”. Dehan Portavoz EL-MATADOR, Zuvinal Dias ba jotnalista liu husi komunikadu imprensa iha Bein Fica Colmera, sexta (24/09).
Porta voz haktuir, EL-MATADOR organiza Hela jogu exibisaun ida ne’ebé ho objetivu fundamental hakarak atu hetan hanesan fan raiging ba eventu ne’ebé sei realiza iha Fulan Outubru nia laran ne’e.
“Ami sei iha jogu reprezenta husi klubu lima no husi Boxista nain 10 mak sei sae ba Rin leten hodi anima ita, no ita nia klubu ne’ebé sei partisipa mak hanesan EL-MATADOR, ASALAINO, klubu ABBA, BEIN FICA no MALINAMUK”, Portavoz esplika.
Portavoz hateten, Husi oportunidade kominikadu imprensa ida ne’e ami hakarak atu alerta ba públiku katak exibisaun ida ne’e hanesan iha parte ida engania atu apoiu husi ema hotu-hotu ba eventu ne’ebé sei mai iha Outubru nia laran.
“Ami hakarak atu hateten katak fan raigen ida ne’e sei hahu husi tikety $2.50 to’o iha nivel VIP $20, no ami espekta katak ho apoiu no prezensa sira husi adeptus ba boxin Timor-Leste bele ajuda liu tan EL-MATADOR atu promove talentu Boxista Timor-Leste nian, hodi nune’e bele reprezenta Timor iha eventu nasional ou eventu internasional nian”, Dehan nia.
Nia hatutan, Exibisaun ida ne’e sei hala’o iha loron 25 fulan Setembru hahu husi tuku 7:00 kalan, no exibisaun ida ne’e aleinde iha boxin mos ita sei iha grupu banda muzika balun Sei konviviu ita mak hanesan galaxi, klamar no mos DJ sei akompana iha eventu ida ne’e.
Fan raigem ne’e para atu inisia eventu hansesan champion ida ba amadora nian iha fulan Outubru nia laran, no Fatin ba fan raigem ne’e sei halo iha Bein Fica.
Eventu ida ne’e organiza independentemente husi EL-MATADOR rasik, no EL-MATADOR uza nia rekursu rasik husi ninia apoiantes nia membru mak halibur osan dolar ida no rua hodi bele organiza eventu ida ne’e.
Ita atu halo ida ne’e EL-MATADOR la hamrik mesak ami servisu hamutuk mos ho Bein Fica rasik.
“Ami seidauk iha esponsor no ofisial ba exibisaun Ida ne’e, maibé ami espera i espekta katak Sei iha doador balu ne’ebe sei ajuda atu realiza ami nia eventu iha fulan Outubru 2021 nian”,.Tenik nia. LTS
