Eskola 199 Iha Munisípiu Díli, Reativa Aula Normal
Naunil Media (Díli), Diretór Edukasaun Munisípiu Díli Duarte Braganza, Informa eskola hamutuk 199 mak hetan aprovasaun atu reativa iha munisípiu Díli.
“Díli primeiru aprovasaun ba eskola iha munisípiu Díli, ba pre-eskolar hamutuk 60 eskola, husi 60 ne’e 38 mak hetan aprovasaun atu reativa fila fali, ba ensinu baziku eskola hamutuk 106, husi 106 ne’e eskola hamutuk 47 mak hetan aprovasaun atu reativa, no husi ensinu sekundária jerál eskola hamutuk 24, husi 24 ne’e iha eskola hamutuk 12 mak hetan aprovasaun atu reativa, ensinu tekniku vokasional eskola hamutuk 9, husi 9 ne’e eskola Ida deit mak hetan aprovasaun atu reativa, entaun ho primeiru aprovasaun ne’e mak eskola hamutuk 98″, Dehan Diretór edukasaun munisípiu Díli Duarte Braganza ba jornalista iha nia knaar Fatin Comoro, sexta (24/09).
Diretór ne’e haktuir, Depois ba segundu aprovasaun Ami atualiza nafatin katak ensinu sekundariu jerál aumenta tan ona 10 entaun eskola hamtuk 22 mak hetan ona aprova atu reativa, no ensinu tekniku vokasional aumenta Tan ona eskola 6 entaun hela de’it eskola rua mak seidau aprova tanba la atinji persentagem to’o 90%, ba ensinu baziku iha segundu atualizasaun ne’e 33 eskola mak aprova atu reativa, no eskola pre-primaria nafatin 38 mak aprova.
“Ami hakarak fo hatene katak husi total eskola ne’ebe mak seidauk priense kriteriu ou seidauk atinji tó 90% mak eskola sekundáriu jerál hamutuk eskola 2 Mak seidauk no eskola tekniku vokasiona 2, ensinu baziku eskola 28, no husi pre-eskolar Hela 22 mak seidauk”, Nia mensiona
Nia hateten, Eskola hirak ne’ebe mak seidauk hetan aprovasaun ne’e ministeriu edukasaun Sei fó oportunidade para hatama relatoriu.
“Ami tolera tó de’it ohin Sexta feira loron 24 Fulan Setembru 2021 tuku 5:00 loraik, ba Sira ne’ebé mak tó tuku lima la hatama ami sei konsidera sira katak ema ne’e lakoi duni kumpri, no ba sira ne’ebe mak moras no lakoi vasina ne’e mos tenki iha justifikasaun”, Nia relata
Nia akresenta ba sira ne’ebé mak la vasina labele tama sala laran para atu fó aula ba alunus sira, se sira mak la tama fó aula ba labarik sira ami konsidera katak sira falta, se falta ami orienta para koa sira nia salariu. LTS
