DGSM Rejeita Informasaun Espalla Iha Rede Sosiál
Naunil Média (Díli),Diretor Jerál Servisu Migrasaun, (DGSM, sigla portugés),Superintendente asistente Polisia Luis Barreto deklara, rejeita informasaun ne’ebé espalla iha públiku (rede sosiál) katak membru Governu balu fasilita ema estranjeiru, hodi servisu iha Diresaun Jeral Servisu Migrasaun
“Hau hanesan Diretor Jerál Servisu Migrasaun atu klarifika de’it ba públiku kona-ba duvidas balu ne’ebé fó sai liu-husi diáriu Díli Post no media sosial katak, iha membru Governu balu fasilita ema estranjeiru feto ida hodi servisu iha Migrasaun ne’e. Ita konsidera informasaun laloos”, dehan Luis ba jornalista sira iha-nia knar fatin, Vila-Verde, sesta,(24/09).
Nia hatutan ,ba publiksaun hirak ne’e, falsu ka hoax, tanba fontes ne’ebé fó informasaun falsu hirak ne’e ba de’it interese grupu balun no hakarak hamosu de’it paniku ba ninia sidadaun sira.
“Ami iha membru atus ida resin, balu servisu iha sede sentral iha Dili no rejiaun administrativa espesial Oé-Cusse Ambeno (RAEOA), inklui postu fronteiras terestre tolu iha Salele-Suai, Batugade-Mota-Ain no-mos postu fronteira Sakato iha enklave Oecusse.
Portantu funsionáriu sira ne’ebé servisu iha Migrasaun maioria Timor-oan no iha de’it asesor estranejiru mane ida ne’ebé servisu kleur ona iha tinan 6 liu ba iha VII Governu nia tempu hanesan asesor IT nian”,Diretor jerál relata.
Luis hato’o, hanesan DGSM nia parte prontu koopera ho se de’it wainhira hakarak atu mai halo konfirmasaun kona-ba asuntu refere nomós asuntu balu ne’ebe liga ho iregularidade sira seluk iha fronteira, ne’ebé involve individu balu bele hato’o ba parte kompetente atu halo investigasaun nune’e bele hadia tan sistema atendementu ne’ebé di’ak ba ema tomak. Ana
