FEATUREDIkus LiuNewsPolitika

KE, KSDS Unaminidade Deside PR Husu Renova EE

Fahe Tutan

Naunil Media (Díli), Reuniaun Konsellu Estadu (KE), no Konsellu Superior Defeza no Seguransa (KSDS) ho Unaminidade Deside atu Prezidenti Repúblika Francisco Guterres “Lú Olo” husu renovasaun estadu emerjénsia (EE) ba Parlamentu Nasionál (PN).

Lia hirak ne’e ható husi Asesor Polítika Prezidensiál Repúblika Grigório Souza ba jornalista bainhira remata enkontru iha palásiu Prezidente Nicolau Lobato Bairru Pite, Segunda, (27/09).

“Entaun ohin halibur reuniaun Konsellu estadu no Konsellu Superior Defeza Seguransa unaminidade sira deside atu prezidente husu ba Parlamentu Nasionál atu renova estadu emerjensia ba dala sanulu resin walu (18)”, Dehan Asesor Polítika Prezidensiál Repúblika

Asesor Polítika ne’e hatutan,  Tanba ho estadu emerjensia mak guvernu tantu estadu bele limite direitu liberdade sidadaun sira nian, nune’e iha semana kotuk guvernu haruka karta ba prezidente Repúblika atu estende estadu emerjensia

Grigorio hateten ohin loraik Prezidensiál haruka pedidu ba Parlamentu Nasionál, Parlamentu Nasionál agenda ba aban dader tuku 9 diskusaun kona-ba estensaun ou lae estadu emerjensia

Nia hateten kona-ba medidas ne’e guvernu ninia porfoliu entaun so kuarta feira depois de Parlamentu Nasionál autoriza estadu emerjensia kalae entaun mak guvernu sei dekreta medidas implementasaun estadu emerjensia

Nia dehan se Parlamentu Nasionál aban aprova renovasaun estadu emerjensia sim prezidenti Repúblika sei atravesa dekretu Prezidensiál sei renova estadu emerjensia ba dala sanulu resin walu (18).

Iha fatin hanesan Diretór Fongtil Daniel do Carmo da Silva hatutan estadu emerjensia sei iha nesesidade tanba atu limita liberdade movimentu no kontrola didiak fronteira sira

“Ita mai iha ne’e hanesan observador entaun ohin ita partisipa atu hateten katak estensaun estadu emerjensia sei iha nesesidade, sei iha nesesidade tanba atu limita liberdade movimentu liu-liu movimentu internasionál sira Kontrola didiak liña fronteira sira ema tama sai aero Portu no mós fronteira terrestre entaun parte ida ne’e sei iha nesesidade’, Dehan Diretór Fongtil

Diretór Fongtil ne’e hatutan,  Maibé orsida medida ba aplikasaun estadu emerjensia parese guvernu sei hamamar ninia implementasaun bazeia ba situasaun aktual ne’ebé iha.

Daniel hateten Estadu emerjénsia bele kontinua maibé medida sira tenke halo tuir saida mak guvernu deklara katak Munisípiu sira ne’ebé nia taxa partisipasaun vasina bo’ot bele tama ba Nova normalidade.

“Entaun ida ne’e ita hanoin katak ne’e kerdizer ne’e atu hateten dehan iha nesesidade atu se Partisipasaun ne’e masimu iha Munisípiu hotu-hotu ema hotu-hotu ba simu Vasina signifika ita bele tama ba Nova normalidade ho kazu ne’ebé agora komesa menus”, Daniel hateten

Nia dehan NGO Fongtil ne’ebé tau matan ba monitorizasaun programa vasina hanoin katak oinsá mak atu hasa’e taxa partisipasaun vasina ne’e parake agora hanesan saida mak dadaun akontese hanesan guvernu deside katak iha munisípiu balun tama ba Nova normalidade sira ne’ebé taxa partisipasaun aas. *Jos

Leave a Reply

Your email address will not be published. Required fields are marked *