Ma’Huno Bulerek Karathayano Sei Hakoi Iha Semitériu Espesiál
Naunil Media (Díli), Prezidenti Repúblika (PR) Francisco Guterres “Lú Olo” liu husi Dekretu Prezidenti Repúblika, númeru 80/2021, 27 Setembru, dekreta Estadu fó onras fúnebre no hakoi António João Gomes da Costa “Ma’Huno Bulerek Karataiano” semitériu espesiál iha Jardim dos Herois da Pátria iha Metinaro.
Tuir Komunikadu ne’ebé Naunil Média asesu iha média Prezidensiál Repúblika segunda (27/09) hateten Ma’Huno Bulerek Karathayano sei Hakoi iha semitériu espesial.
Iha Dekretu Prezidenti Repúblika ne’ebé publika ohin, iha Jornal da República, hateten Konstituisaun konsagra rekoñesimentu no valorizasaun ba rezisténsia sekular Povu Maubere kontra dominasaun estranjeira no kontributu ema hotu-hotu ne’ebé luta ba independénsia nasionál.
Lei kona-ba Estatutu Kombatentes Libertasaun Nasionál reafirma vontade atu fó omenaje ba esforsu sira ne’ebé manifesta husi Kombatentes Libertasaun Nasionál iha luta ba Independénsia Nasionál.
Haree ba kontribuisaun ba Luta Libertasaun Pátria, Conselho dos Combatentes da Libertação Nacional (CCLN) autoriza António João Gomes da Costa ‘Ma’Huno Bulerek Karataiano’ iha direitu atu hetan onras fúnebre no hakoi iha semitériu espesiál iha “Jardim dos Herois da Pátria” Metinaro, nu’udar Kombatentes Libertasaun Nasionál.
Ma’Huno Bulerek Karataiano, nia kontribuisaun iha luta libertasaun Patria, nu’udar Fundadór ASDT, membru Comite Central Fretilin, Chefe Conselho Político Militár Frente Armada, Secretário da Comissão Diretiva da Fretilin, Comandante das FALINTIL, Secretario Região 3, líder ida ne’ebé inspira no besik tebes ba foin-sa’e klandestinu sira iha vila laran, iha Timor-Leste no iha Indonézia.
José António Gomes da Costa Ma’Huno Bulerek Karataiano moris iha 14 Abril 1949. Iha 24 setembru 2021 nia is kotu iha Hospital Nasionál Guido Valadares tanba moras stroke. *Jos
