FEATUREDIkus LiuNewsPolitika

PN Autoriza PR Dekreta EE ba XVIII

Fahe Tutan

Naunil Media (Díli), Parlamentu Nasionál (PN) autoriza Prezidenti Repúblika Francisco Guterres “Lú Olo” dekreta estadu emerjénsia ba dala- XVIII iha territóriu nasionál.

Iha durasaun hosi renovasaun deklarasaun estadu emerjénsia ba loron 30 ne’e, hahú hosi 00:00 iha loron 30 Setembru 2021 (kinta-feira) no termina iha oras 23:59 iha loron 29 outubru 2021 (Sesta- feira).

Renovasaun deklarasaun estadu emerjénsia ba dala-XVIII ne’e autoriza hosi Parlamentu Nasionál ho rezultadu votasaun nominál a-favór 39, kontra 0 no abstensaun 8.

 “ho nune’e Lei autorizasaun renovasaun estadu emerjénsia aprovadu, espera Governu implementa ho di’ak. Tanba ne’e husu Governu hasa’e kobertura vasina nian ba komunidade presiza kolabora ho parte saúde,  tanba imunidade mak bele salva ita hosi Covid-19” , Prezidenti  Parlamentu Nasionál,  Deputadu Aniceto Longuinhos Guterres Lopes,  liu hosi plenária PN, tersa (28/09).

Ho Razaun Prezidenti  Repúblika husu autorizasaun ba Parlamentu Nasionál,  tanba situasaun Covid-19 iha Timor-Leste kazu ativu konfirmadu hamutuk 994 hosi totál 19.382 dezde inísiu rejistrasaun kazu no ema na’in 113 mak mate ho COVID-19. Ana

Leave a Reply

Your email address will not be published. Required fields are marked *