Espoza PR hala’o sosializasaun ba moras kankru susun
Naunil Media (Dili), Espoza Prezidente Repúlblika Sidalia M. Guterres, hala’o sosializasaun ba moras kankru susun, serviks no nutrisaun ba rede feto no membru arte no kultura.
“Sosializasaun kankru susun no kankru serviks ninian nu’udar programa ne’ebé maka durante ne’e ami hala’o hela, servisu hamutuk ho Fundasaun Alola liu-liu Haliku nian ne’ebé durante ne’e la’o hamutuk halo sosializasaun ba ami-nia tarjetu sira iha Munisipiu nomós iha Dili.
Presiza halo sosializaun maka’as liu, ita hatene katak moras ida antes atu halo prevensaun ita na’in rasik maka tenke hakat ba fasilidade saúde hodi ba halo konsulta ba médiku sira para oinsa bele halo atendimentu, presiza apoiu malu hanesan halo sosializasaun, apoiu família nian importante tebes, nomós fasilidade saúde ninian liu-liu mamogáfia ne’e importante tebe-tebes” Dehan espoza PR iha salaun Rede Feto, Dili (28/09).
Nia hatutan, moras kankru ne’e sai risku ba maluk feto sira, entaun bele hakbesik an lalais ba sentru saúde.
“Kankru susun risku liu hamate inan feton sira, hanoin ho mamográfia iha, entaun ita-nia alin feto sira no inan feton sira bele hakat ba iha sentru saúde nian, liu-liu ba halo mamográfia atu hatene konaba nia konstipasaun liu-liu liga ho kankru susun ninian.
Ami mós iha fundus konaba inan feton sira ne’ebé maka kuandu hetan moras refere nia ba Hospital, fasilidade seidauk kompletu Gabinete bele ajuda fundus hodi bele selu pasiente ba halo tratamentu ba moras kankru susun iha rai liur”, Sidalia hato’o. San
