FEATUREDIkus LiuNewsPolitika

Funsionáriu DGAS Hato’o Sira-Nia Problema Ba PR Lú Olo

Fahe Tutan

Naunil Media (Díli), Funsionáriu permanente no kontratadu hamutuk 230 resin, husi Diresaun Gerál Agua no Saneamentu (DGAS) hato’o sira-nia problema ba Prezidente Repúblika, Francisco Guterres “Lú Olo”, tanba durante kriasaun Bee Timor Leste, empreza públika (BTL,ep) to’o agora sira abandonadu.

Lia hirak ne’e hato’o husi Eis Diretor Gerál Agua no Saneamentu Grigório de Araújo, ba Jornalista hafoin remata hasoru malu ho Prezidente Repúblika iha palásiu Prezidente Nicolau Lobato Bairru Pite, Tersa, (28/09).

“Ami mai hasoru malu ho Prezidente Repúblika kona-ba problema ne’ebé ami Diresaun Gerál Agua i saneamentu infrenta durante ne’e, ho kriasaun BTL.ep tuir dekretu Lei númeru 41, ne’ebé kontradis organiku ministeriu nian ne’ebé dekretu-lei númeru 41 kontradis ho orgániku Ministériu nian la-han malu”, Eis Diretor DGAS esplika.

Eis Diretur ne’e hatutan, sira funsionariu permanente no kontratadu hamutuk 230 resin ne’e sira-nia fatin servisu laiha, tanba sira-nia fatin ema seluk okupa tiha ona

“Ami nain hira ne’ebé abandonadu ne’e funsionariu permanente hamutuk nain 196 no kontratadu sira ajente administrativu 40 ital, hamutuk nain 230 i tal agora ami iha ami-nia fatin, mas servisu laiha durante ne’e ami lahalo servisu, tanba ami-nia fatin ema okupa tiha.

Implementasaun orgániku Ministériu nian, sira hases tiha BTL.ep maka agora la’o ba oin, funsionáriu tomak Diresaun Gerál Agua no saneamentu agora abandonadu”, Grigório relata.

Nia akresenta, Problema espesifíku maka durante kriasaun BTL.ep, funsionáriu sira ne’ebé Diresaun Gerál Agua no saneamentu sira abandona tomak ema ne’ebé servisu iha ne’ebá ne’e ema foun hotu no desde kriasaun BTL.ep husi Janeiru to’o agora ne’e sira-nia servisu fatin laiha, ema seluk  maka Okupa fali sira-nia fatin hotu, tanba ne’e sira lamenta.

 Diretor informa, Xefe estadu mós simu ona sira-nia lamentasaun ne’e, depois Xefe estadu sei buka ko’alia ho Primeiru Ministru kona-ba asuntu ida ne’e. Maibé durante  ne’e mós sira haruka ona karta ba Ministru Parlamentu Nasionál, Primeiru Ministru, Funsaun Públiku, PDHJ, CAC mas problema sira hotu, hatene ona maka sira nunka fó solusaun, tanba ne’e mak ohin xefe estadu ho nia tempu hodi bolu sira para rona oinsá atu Prezidente Repúblika bele ko’alia ba oin.*Jos

Leave a Reply

Your email address will not be published. Required fields are marked *