Kampaña Vasinasaun, Envolvimentu Papel Mídia Importante

Naunil Média (Díli), Kampanã vasinasaun Papel Mídia importante atu tun direitamente hamutuk ho Membru Governu sira atu enkoraza sidadau sira hodi simu vasina Covid-19.

Ministeriu Asunto Parlamentar ba Comunikasaun Sosiál (Mapkoms) liu husi nia Gabinete, hafoin reuniaun ho inter-Ministeriál hodi deside involvimentu iha kampaña vasinasaun durante Loron Sanulu kada Munisipiu sira.

“ Iha Kampaña vasinasaun covid-19 ne’e husi Ministru no Sekretariu Estadu sira sei tun direitamente ba baze hodi halo kampaña vasinasaun ida ne’e,” Dehan Xefe Gabinete (Mapkoms), Ivana Belo, ba jornalista sira, iha sala inkontru Mapcoms, Quarta, (29/09).

Nia haktuir, Kampaña vasinasaun ida ne’e sei hala’o iha munisipiu hotu, Maibe balun hala’o tiha ona no balun foin mak atu hahu aban.

Objektivu husi kampña ne’e atu enkoraza sidadaun sira ne’ebé iha baze atu vasina Covid19.

“ Inkontru ne’e realiza husi Mapkoms hamutuk ho Sekretariu Gabinete husi Reprezentante Ministeriu Soliedariedade Sosiál no Inkulzaun,  Ministeriu Saúde (MS) ho Média  sira oinsa atu halo envolvimentu iha kampaña vasinasaun ne’ebé hala’o durante loron sanolu,” Tenik nia.   

Ivana hatutan, Desizaun husi Konsellu Ministru (KM) mos fo sai ona katak Membru governu hotu-hotu sei partisipa iha kampaña Vasina COVID-19.Flo