Odete: Funsionáriu Liña Frente Ho Ema Vulnerável Tenke Vasina Doze Datoluk

Naunil Media (Díli), Ministra Saúde (MS) Odete Maria Freitas Belo, husu funsionáriu liña frente sira, inklui ema ne’ebé vulnerável iha Timor-Leste sei simu vasina doze da-toluk.

“Ba sira terseiru doze ida ne’e, ita la fó ba ema hotu, ita sira rona husi ekipa independente, Ministériu Saúde nia no OMS (Organizasaun Mundiál Saúde) nafatin ita fó atensaun ba liña frente sira, inklui ema ne’ebé vulnerável tebe-tebes atu bele hetan terseira doze ida ne’e, maibé depende ba kondisaun Nasaun nian atu prontu simu vasina, tanba inklui mós orsamentu ne’ebé atu sosa vasina iha estranjeiru.

Ita-nia kondisaun ho disponibilidade orsamentu, se ita iha orsamentu ne’ebé maka sufisiénte atu bele sosa, vasina vuster ida ne’e hotu-hotu bele iha direitu atu vasina terseiru ida ne’e, maibé iha sidadaun sira hotu tenke foku simu uluk vasina primeiru no segundu uluk, hafoin ko’alia kona-ba simu vasina terseiru ne’e, tanba daudaun ne’e vasina barak maka sei expired iha fulan Outubru nia laran, tanba primeiru ho segundu doze de’it iha nia partisipasaun sei menus tebe-tebes, entaun tenke asegura uluk priemeiru no segundu”, dehan Ministra Saúde , iha sala plenaria Parlamentu Nasionál, Tersa,(28/09).

Ministra saúde hatutan, Oras ne’e daudaun, Ministériu Saúde sei hein hela informasaun husi Parseiru Internasionál sira bainhira iha ona informasaun, relasiona ho vasina terseiru nian sei fó sai tan ba públiku. Ana