FEATUREDIkus LiuNewsPolitika

PN Mantein ejize Direitu Liña Frente

Fahe Tutan

Naunil Media (Díli), Parlamentu Nasionál (PN) mantein ejize ba Governu atu aselera lalais prosesu pagamentu ba ekipa sira ne’ebé hala’o servisu iha liña frente, hodi luta kontra pandemia covid-19 iha Timor-Leste.

Xefe Bankada Kmanek Haburas Unidade Nasionál Timor Oan (KHUNTO), Olinda Guterres hatete, nia parte hakarak repete hikas subsídiu frontline nian ba Governu atu rezolve, tanba Governu la’os laiha osan.

“Ha’u hakarak repete fila-fali, polísia sira ne’ebé maka halo seguransa iha fronteira, sira tenke simu ona sira-nia subsídiu. Ita osan iha, ema balun dehan ita osan laiha, mais ha’u hatene ita osan iha, Governu fó de’it maka sira ne’ebé servisu iha fronteira no la fó ba sira ne’ebé maka servisu iha Dili laran “,dehan Olinda ,iha sala plenaria PN, Tersa,(28/09).

Nia hatutan, Governu labele halo diskriminasaun ba seguransa sira, tanba Governu tenke akula hotu parte seguransa sira atu bele hetan subsidiu husi komadante mai to’o iha soldadu.

“Ha’u  rona fali informasaun katak Governu foti de’it polísia sira ne’ebé maka seguransa iha fronteira ida ne’e maka sei hetan subsídiu, maibé ne’e Governu halo sala ona no Governu halo deskriminasaun, tanba ne’e, hakarak Governu tenke akumula hotu-hotu polísia sira hahú husi komdante to’o nia ajente sira, tenke hetan hotu, tanba iha komadante maka foin iha soldadu, inklui iha soldadu maka foin iha komandante”, Olinda esplika.

Xefe bankada KHUNTO ne’e akresenta, husu mós ba Governu, atu bele fó perdiam US$40 kada loron ba polísia sira ne’ebé la’o servius iha Dili laran, hodi koloka sira ba fó seguransa iha fronteira.

Iha sorin seluk, Deputada bankada Partidu Demokrátika (PD), Elvina de Sousa, ejiji ba Governu atu bele halo pagamentu ba pesoal liña frente sira ne’ebé durante fó sira-nia an iha tempu risku nia laran.

“Hakarak ejize Governu atu aselera ona pagamentu osan ba pesoál liña frente sira, ne’ebé durante ne’e sakfika-an hodi hala’o servisu iha risku ba pandemia covid-19 ne’e”, Deputada hato’o.

Iha fatin hanesan, Deputada Bankada Opozisuan CNRT, Maria Fernanda Lay deklara, nia dezafia ho Governu nia atendimentu kona-ba selu osan ba ekipa liña frente sira nian.

“Ho subisídiu frontline iha ne’e, ha’u hakarak hato’o, dekretu lei, prezidente repúblika veta, no foin hadi’a, maibé lista seidauk prontu ida ne’e hakarak hatete saida?, enkuantu dekretu lei aprovadu husi Konsellu Ministru hodi hato’o ba Prezidente Repúblika. Ministériu sira la prepara lista ba sira ne’ebé sei benifisia ho subsídiu ne’e to’o bainhira atu selu? tanba ne’e,foin lalais liu-husi telivizaun, Ministériu Saúde, rasik deklara katak, daudauk sira sei prepara lista, maibé lahatene bainhira maka selu ida ne’e maka problema”, Deputada esplika. Ana

Leave a Reply

Your email address will not be published. Required fields are marked *