Vasina Dala Rua, Mai Husi Rai Liur Sei La Tama Izolamentu
Naunil Média (Díli) Iha Reuniaun Konselhu Ministru (KM) deside sidadaun estranjeiru ho Timor-Oan mai husi rai liur ne’ebé vasina dala rua ona sei la halo izolamentu, maibe tenke hatudu provas teste swab negativu.
“ Reuniaun KM ne’ebé halo aprezentasaun husi sala situasaun Sentru Integradu Jestaun de Krize (SIJK) kona-ba situasaun virus Covid-19 nian, iha aprezentasaun ne’e KM deside ema hirak ne’ebé mai husi rai liur vasina dala rua ona hatudu provas teste negativu la presiza izolamentu,” Dehan Ministru Prezidensia KM, Fidelis Manuél Leite Magalhães, ba jornalista sira, iha palasiu governu, Quarta, (29/09).
Nia haktuir, Mesmu mai husi paizes origen Variante delta bele mai TL.
“ Rekejitus mak tenke hato’o ba pesoál saúde teste komprovadu negativu hafoin tama mai TL durante 48 horas nia bele livre ona no la presiza atu halo izolamentu durante loron lima mak aktualmente iha,” Tenik Fidelis. Flo
