MI-UN Women Halo Koordenasaun Ho Liñas Ministérial Iha TL

Naunil Media (Dili), Minisitériu Interior (MI) liu-husi protesaun sivil  ba prevensaun konflitus komunitáriu ho UN women halo sorumutu ho liñas Ministérial iha Timor-Leste (TL), hodi halo koordenasaun.

“Konvoka reuniaun ida ne’e la’os de’it foin primeira vez, no Ita konvida reprezentante instituisaun estadu tomaka, ita-nia liñas Ministériais no sosiedade sivil Nasionál no Internasionál, ho objetivu Ida atu kontribui sira-nia matenek no esperensia ne’ebé Makaa halo tiha ona durante ne’e, lori Ministériu Interior ho SEPS nia naran hato’o obrigado ba sira-nia kontribuisaun hodi promove Paz no estabilidade iha tinan naruk liu ba to’o agora i ba futuru.

Ita husu nafatin Sira-nia kontribuisaun, idea no matenek para atu dezeñu fali ita-nia giaun ruma ba futuru Redi Nasionál Ida ne’ebé forti ba prevene konflitus komunitáriu hodi kria paz no estabilidade hodi moris, Timor-Leste iha dezenvolvimentu Nasionál”, Dehan Diretor gerál protesaun sivil Superintendente Polisia, Ismael da Costa Babo ba jornalista iha JL Villa Fatuhada, Kuarta (29/09)

Diretor gerál haktuir, sorumutu ida ohin halo diskute espesifíku makaa haree situasaun ne’ebé makaa Liu ona, i haree fali estratezia ne’ebé foun hodi Kria fali redi ne’ebé makaa provas prevensaun konflitus komunitáriu iha nivél Nasionál to’o suku Sira.

“Ne’e makaa kontribuisaun hotu ne’ebé makaa fó iha reuniaun ohin sei mai ho giaun ida mais importante ba tau konsiderasaun ba ita-hotu ne’ebé sai implementador ba Governu liu-husi Ministériu Interior, neste momentu MI makaa lidera paz treze 25 rezolusaun husi Nasoen unidas, ho nune’e makaa protesaun sivil prevensaun konflitus komunitáriu téknikamente halo hela kordenasaun ho ida ne’e. Aleinde ida ne’e mós ita halo diskusaun ohin promove tan iha sensivél géneru situasaun prevensaun konflitus komunitariu.

Ita espera katak, ho ida ne’e ita konsulta liñas Ministériais sira hotu ne’ebé la’o tiha ona no Sei halo mós sosializasaun ba ita-nia estudante no joventude sira hodi partisipa ativamente iha prevensaun konflitus komunitariu”, nia esplika.

Ismael akresenta, konflitus barak liu mai husi juventude, maibé ba futuru sei halo sensibilizasaun hodi bele promove sira atu bele hapara problema ne’ebé iha hodi bele kontribui ba dezemvolvimentu.

“Ita hotu hatene konflitus ne’e barak liu mai husi Ita-nia Juventude sira, no Ida ne’e makaa ita-nia tarjetu ba futuru  atu halo sensibilizasaun ba sira hodi promove sira-nia konsiénsia, hadomi sira-nia an, prevene  problema hodi kria sira-nia futuru ne’ebé importante hodi kontribui dezenvolvimentu Nasionál”, Diretor relata.

Iha Fatin hanesan, analista programa feto paz no seguransa UN Women Leonesia Tecla da Silva hateten, UN women halo parseira ho MI liu-husi diresaun Nasionál konflitus komunitáriu durante tinan 10 ona,oinsá atu bele fó apoiu malu.

“UN women atu bele  tur hamutuk ho parseiru ne’ebé di’ak loos no MI durante ne’e ami parseiru tiha ona durante tinan 10 liu ba liu-husi diresaun Nasionál konflitus komunitáriu. UN women iha inisiativa di’ak fó apoiu ba MI atraves Sekretáriu estadu protesaun sivil, ida ne’e ho hanoin ida katak atu hametin liu tan ita-nia servisu ba prevensaun konflitus komunitáriu”, nia informa. LTS