FEATUREDIkus LiuNewsSeguransa

SEPS Sei Rekruta Pesoál Bombeiru Nain-96 Koloka Ba Munisípiu Tolu

Fahe Tutan

Naunil Média (Díli), Diretór Jerál  Sekretáriu Estadu Protesaun Sivíl (SEPS),  Ismaél da Costa Babo Informa, posibilidade sei sekruta membru bombeirus Na’in 96 hodi Koloka ba Munisipíu tolu, Manatutu, Liquíça no Ermera iha tempu badak.

“ Ita prevee iha Orsamentu Jerál Estadu (OJE) 2021, hodi halo rekrutamentu ba membru Bombeiru  hein hela autorizasaun hosi Ministru Interiór (MI),” Diretór Jerál SEPS, Ismael da Costa Babo, ba jornalista iha Otel JL Villa, Fatuhada, Kuarta, (29/09)

Nia haktuir, Bainhira iha ona autorizasaun hosi MI, SEPS sei ko’ordena ho Komisaun Funsaun Públiku (KFP), atu bele loke ba públiku.

Ismaél hatutan, Antes ne’e SEPS rekruta ona membru Bombeiru hamutuk 60-resin koloka ona ba Munisipiu Ainaro ho munisípiu sira seluk tan.

Diresaun Nasionál Bombeiru nia misaun garante ba prestasaun seguiransa sidadaun nian.

“Tanba ne’e Diresaun Nasionál Bombeiru, iha SEPS ho nia misaun fó garantia ba prestasaun nó seguransa ba sidadaun hotu-hotu nia vida ho sira nia sasan hamate ahi ne’ebé han-uma, ai-laran ka floresta no indústria,”Tenik nia.

Alende ne’e mós fó assisténsia ba asidente rodoviáriu no halo mós salvamentu iha área rurál, sidade laran, inklui fó-apoiu ba komunidade ne’ebé hasoru dezastre naturál, haktuir Diretór Jerál ne’e. Ana

Leave a Reply

Your email address will not be published. Required fields are marked *