Konstrusaun Uma Kbi’it Laek Iha Suku Lontas Atinji Ona 50%

Naunil Media (Lolotoe), Sefi suku Lontas, postu administrativu Lolotoe, Munisípiu Bobonaro, Alipio Bello hateten, konstrusaun Uma kbi’it laek iha suku Lontas atinji ona 50%.

“Uma ne’ebe mak Agora dadudaun konstrui ne’e tama ona faze monta (kuda-kuda), no tuir mata dalan katak konstrui Uma ne’e nia tarjetu fulan 3 tenki finaliza”. Sefe suku Lontas Alipiu Bello ba Naunil Media via telefone  foin lalais ne’e.

Maibé autoridade lokal garantia katak konstrui uma ne’e finaliza tuir nia tempu ne’ebé mak determina tiha ona, tanba programa refere koresponde ona ba komunidade sira ne’ebe mak sai benefisiariu husi uma ne’ebe konstrui husi governu Timor-Leste iha tinan ida ne’e.

Sefe suku ne’e haktuir, konstrui uma tolu ba kbi’it laek iha Aldeia Tassemil ne’e ho Nia orsamentu ne’ebe mak la hanesan tanba Uma Ida iha kuartu rua de’it no uma rua mak iha kuartu tolu.

“Orsamentu Uma tolu ne’e, iha uma ida ho montante $14,756.00 no Uma rua ho montante $16,702.00”, Nia dehan.

Benefisiariu uma kbi’it laek iha Aldeia Tassemil Suku Lontas mak hanesan Roza Natalia, Joana pimentel no Domingos Madeira. LTS