FEATUREDIkus LiuJustisaNews

PJR Afonso: Durante Semana Rua Kazu Tama Hamutuk 483

Fahe Tutan

Naunil Media (Díli), Prokurador Jerál Repúblika Alfonso Lopez hateten durante semana rua nia laran kazu entrada hamutuk 483 (atus haat walu nolu resin tolu) nune’e akuza no arkiva iha nivel nasionál 393 (atus tolu sianolu resin tolu).

PJR ható lia hirak ne’e ba jornalista sira hafoin enkontru ho Prezidenti Repúblika (PR) Francisco Guterres (Lú-Olo) iha palásiu Prezidente Nicolau Lobato Bairru Pite, Tersa (05/20).

“Durante semana rua dentru de Setembru kazu entrada mak 483 (atus haat walu nolu resin tolu) prosesu findus sei termina akuza no arkiva sura hamutuk iha nivel nasionál 393 (atus tolu sianolu resin tolu) entre prosesu findus akuzadu mak 214 prosesu arkivadu mak 179 entaun totál pendente agora 3.112”, Dehan PJR Alfonso Lopez.

PJR ne’e hatutan tanba prosesu iha Agostu Majistradu judisial ministeriu públiku maioria halo ferias so ke prosesu ne’e iha entrada nafatin ne’e fulan Agostu rejistadu 370 tanba ne’e mak iha aumenta ida ne’e.

Alfonso hateten durante fulan hira ne’e infrenta konfinamentu obrigatoriu no serka sanitaria rona mós katak Majistradu judisial ministeriu públiku no defendoria públika hahú dia 1 Agostu tó 15 Setembru sira iha ferias nia laran nune’e ezeptu de’it kazu urjenti no kazu arguidu prezu

“Entaun produtividade iha mes 1 de Agostu too 15 Setembru ne’e  ezeptu kazu urjenti kazu arguidu prezu sira ne’e ida ne’e mak dentru ferias ne’e so estabelese turno ita hotu akompaña meadu 16 Setembru komesa aktividade la’o tantu julgamentu no investigasaun hotu-hotu la’o”, katak Alfonso.

Líder masimu ministériu públiku ne’e esplika iha gabinete sentrál korrupsaun no krime organizadu ne’e pendente aktual 217 no pendente antes 217 prosesu tama korrupsaun krime organizadu prosesu tama 16 no konsege termina akuza no arkiva 16.

Nia hateten prosesu sira ne’ebé iha prokuradoria distritais sira ne’e iha Dili mak númeru prosesu barak liu maibé konsege finaliza tiha balun.

“Ita ko’alia kona-ba nivel hanesan distritais area judisial liu-liu prokurador distrital Dili númeru prosesu barak liu ne’e iha meadu Setembru prosesu tama 312 no konsege halo remata 219 neste momentu pendente iha prokuradoria distrital Dili 2266”, Tenik nia. 

Nia dehan, iha prokuradoria distrital tolu hanesan Baucau ne’e kazu tama 76 kazu findus 75 prosesu, pendente iha prokuradoria distrital Baucau hamutuk 389, prokuradoria distrital Suai prosesu tama 56 findus 55 pendente aktual 159, nune’e mós iha prokuradoria distrital Oekussi kazu tama 23 depois konsege termina 30 pendente aktual 82.

Iha enkontru ne’e Prezidente Repúblika mós fo hanoin katak Prokurador Jerál Repúblika forsa nafatin tanba asumi dentru da legalidade . *Jos

Leave a Reply

Your email address will not be published. Required fields are marked *