FEATUREDIkus LiuNewsSeguransa

LAT: Instituisaun F-FDTL-PNTL Maka Toma Konta Fronteira

Fahe Tutan

Naunil Media (Dili), Xefe Estadu Maior Generál das Falintil Forsa Defeza Timor-Leste (F-FDTL) Tenente Generál Lere Anan Timur hatete, instituisaun Falintil Forsa Defeza Timor-Leste(F-FDTL) no Polísia Nasionál Timor-Leste (PNTL) maka toma konta ba fronteira.

Tenente Jenerál hato’o lia hirak ne’e ba Jornalista hafoin remata hasoru malu ho Prezidente Repúblika (PR) Francisco Guterres “Lú-Olo” iha palásiu Prezidente Nicolau Lobato Bairru Pite Kuarta (06/10).

“Fronteira ne’ebé ita bele dehan katak instituisaun rua maka toma konta ba fronteira ninian, forsa armada no Polísia Nasionál Timor-Leste PNTL no halo oinsá para sira servisu hamutuk no Governu deside ona sei intrega siguransa fronteira ba forsa armadas, maibé hanesan uluk ha’u dehan katak, la’os ami mesak maibé ita dehan katak kompleta malu entre instituisaun rua ne’e tantu defeza tantu seguransa interna instituisaun rua ne’e sempre kompleta malu “, dehan Tenente Jenerál Lere Anan Timur

Lere hatutan, porezemplu situasaun hanesan uluk iha 2015 ka 2014 situasaun Mauk ninian ne’e podia seguransa interna ka lae? maibé PNTL ho F-FDTL hamutuk maka infrenta situasaun ida ne’e, tanba ne’e Polítiku sira lalika polítiza situasaun sira ne’e. Governu mós konfia no hanesan bai-bain nia (Lere) dehan la’os ema seluk mak ukun Timor kaer forsa Nia ne’ebé kaer forsa durante 24 anos agora mai kaer forsa nafatin tanba ne’e tenke fo konfiansa ne’e ba Nia

“Primeiru Ministru(PM) no Prezidente Repúblika (PR) agora ne’e la’os kualker joven ida Prezidente Repúblika ka Primeiru Ministru ne’e mai husi ema 24 anos ne’ebé ke fó ninia an atu Timor-Leste bele ukun na, agora mós fó konfiansa nafatin katak sira laiha intensaun seluk sira-nia preukupasaun, sira-nia hanoin, sira-nia hakarak povu ne’e bele moris hakmatek no moris iha dezenvolvimentu nia laran”, Lere esplika.

Iha enkontru ne’e Prezidente Repúblika mós husu ba Tenente Jenerál katak, tenke haree didi’ak forsa sira kona-ba disiplina kona-ba sira-nia responsabilidade halo oinsá para bele kumpri didi’ak sira nia knaar nu’udar lutu Nasaun nian.*Jos

Leave a Reply

Your email address will not be published. Required fields are marked *