Organizasaun Tolu Aprezenta Prefil Ba SEJD
Naunil Media (Díli), Organizasaun tolu hanesan Persaudaraan Setia Hati Terate (PSHT), Ikatan Kera Sakti (IKS), no Kmanek Oan Rai klaran (KORK) aprezenta ninia prefil ba Sekretária Estadu Juventude no Desportu (SEJD) no liña ministériais
Tuir Prezidente IKS Timor-Leste Silvestre Xavier Sufa, Informa reuniaun ida ohin aprezenta organizasaun Arte marsiais tolu ba liña ministériais atu nune’e sira bele hatene iha parte ne’ebé mak persija aumenta no iha parte ne’ebé mak Persiza hamenus.
Tamba inklui planu ho rekezitus rekrutamentu ba membru sira katak bainhira loke no inklui istória badak kona-bá organizasaun no buat sira seluk tan.
“Ami ohin fó sai hotu iha ne’eba no ida ne’e hanesan materia ida atu nune’e bele halo lei Arte marsiais foun ne’ebé mak atu prepara Mai iha SEJD no konaba lei Arte marsiais nian Ita Hein katak Lei ne’e sai hodi regula ba Arte marsiais sira hotu bazea ba buat ne’ebe mak ohin fo sai”, Dehan prezidente IKS Timor-Leste Silvestre Xavier Sufa ba jornalista iha SEJD, sexta (08/10)
Prezidente IKS haktuir, bazeia ba buat ne’ebé mak ohin fó sai iha balun mak, persija atu aumenta no iha balu mak persija hamenus buat hotu ami fó hatete hotu ona.
Rekezitus ne’ebé mak atu implementa ohin koalia iha laran Ita hatene katak bainhira ema ida tama ba arte marsiais ida nia tenke hetan aseitasaun husi inan aman, ho inan fó autorizasaun mak nia foin bele tuir iha arte marsiais ida.
Iha Fatin hanesan Sekretáriu estadu juventude no desportu (SEJD) Abrão Saldanha, hateten sorumutu Ida ohin hodi kolia kona-bá organizasaun arte marsiais no iha sorumutu ne’e sei iha mos aprezentasaun husi organizasaun tolu hanesan (PSHT, IKS, no KORK).
Governante ne’e dehan, ohin halo enkontru interministerial ne’ebe sua exelensia primeiru ministru mak harii ekipa ida atu rekolha opiniaun sira kona-bá estudu ida atu halo realiza ba arte marsiais.
“Ami rona husi parte 6, minisitéiriu públiku ne’ebé sira nia esperensia ba prosesu kazu no krime sira ne’ebé iha ligasaun ho pratika artemarsiais, PSIK ne’ebé iha ligasaun ho investigasaun kriminal sira ne’ebé mak ligadu ba krime ne’ebé involve Arte marsiais”, Esplika Nia.
Nia hateten, ohin organizasaun tolu ne’ebé mak mai aprezenta sira nia prefil iha SEJD mak hanesan organizasaun arte marsiais PSHT, IKS no KORK katak sira organiza sira nia an ne’e hanesan ne’ebé no sira kaer prinsipiu valor saida, sira nia doutrina oinsa, sira nia treinu oinsa no sira nia rekruta ema oinsa, ida ne’e mak ohin ita rona husi sira para nune’e bele ajuda ba prosesu elaborasaun ne’ebé lezislasaun sira persiza.
Arte marsiais ne’ebé prense ona rekezitus iha Ida mak prense ona rekezitus Agora Hein deit atu halo rekomendasaun, maibé Sei percija ko’alia ho sira atu hare planu reativasaun, no KORK mos hatama tiha ona ninia Dokumentus sira hotu agora iha hela prosesu avaliasaun dokumentus sira ne’e kompletu hotu ona ita bele rekomenda. No IKS Sei hela pintu ida ka rua ne’ebé sira agora esforsu an hela atu halo kompleta depois bele rekomenda. LTS
