SEII husu Governu Tenke Promove Feto Iha Vida Politika
Naunil Media (Dili), Diretor Geral (DG) Sekretariu Estado ba Inguladade no Inkluzaun(SEII), Armando da Costa, husu ba governu tenki promove feto iha Vida politika negosiu no Vida profesional
Tuir Diretur jeral SEII katak, Relasiona ho partisipasaun feto iha politika ho 38% tenke hare ba prestasaun sira nia servisu ba protesaun no promove direitu feto iha Instituisaun hotu.
“ita hare partisipasaun feto iha parlamentu 30% no sira hala’o knar importante involve komisaun sira nian ne’ebe hare ba Lei no orsamentu ba politika nian” dehan DJ Armando da Costa ba jornalista iha salaun CNE, Sexta(08/10).
DJ SEII haktuir, Entaun ohin ita kovinda Governu no parlamentu sira mai hodi fasilita membru sira liu-liu rede feto no Organizasaun ne’ebe servisu ba feto atu sira nia prezensa ne’e bele komunika ho governu kona-ba sira nia rekomendasaun.
Enkuantu iha forum dialogu ne’e ninia ultimu husi dialogu ne’e mak konsensus, signifika Oinsa Mak rekomendasaun sira husi sosiedade sivil, governu, parlamentu bele konsidera no mos sosiedade sivil bele kontinua halo nia papel hanesan parseiru kritiku ho governu.
“Ita halo servisu parseiru kritiku ne’e intermus suplai dadus informasaun evidensia sira para ajuda parlamentu no ajuda governu halo desijaun ne’ebe bele fo resposta ba problema ne’ebe ita infrenta liu-liu partisipasaun feto iha Vida politika”. Tenik Diretur SEII
Nia hatutan, Tanba durante rede feto nia esforsu tomak too nia lei ne’e aprovadu maibe dezafiu ba iha implementasaun, Entaun Governu tenke hare oinsa Dezenvolvimentu sira ne’e tenke promove balansu inkluzivu atu nu’une labele husik ida iha kotuk.
Tanba ne’e ita hotu tenke iha dever moral oinsa mak atu fo protesaun liu-liu asegura oinsa implementa lei sira no ba alokasaun orsamentu ba zeneru no inkluzivu.
Entretantu Prezidente Grupo Mulheres Parlamentu, Lidia Norberta informa mos, ita nia partisipasaun feto iha timor aas los ne’ebe feto Sira ivolve politika no reprezenta povu iha parlamentu.
Liu husi peskizaun ba livre ka freedom ba demokrasia Timor-Leste mos rezista aas iha Asia, tanba ne’e husu ba maluk feto sira nafatin hatudu ispiritu matenek nian hatudu ba mundu katak Timor mos bele. LTS
