FEATUREDGeralIkus LiuNews

Uma Lisan 38 Iha Kaisidu Rezeita Kompañia Fábrika Semente sein Autorizasaun

Fahe Tutan

Naunil Media (Dili), Reprezentante Komunidade Kaisidu munisípiu Baukau, sesta (08/10/2021), hasoru malu ho Primeiru Ministru Taur Matan Ruak hodi ko’alia kona-ba programa dezenvolvimentu semente iha Kaisidu, tanba populasaun sira lakohi simu kompania atu produz semente.

Prezidente Konsellu Veteranus Dili Salustiano Belo Uro hateten, ohin sira hasoru Primeiru Ministru ho razaun komuidade sira hasoru difikuldade iha área produsaun semente,kestaun ne’e aprezenta iha loron 15 fulan setembru 2018, sira uma lisan 38 iha Kaisidu hala’o enkontru hamutuk hodi tenta hasoru orgaun soberanu sira iha nasaun ida ne’e.

Ami husu karik realiza duni projetu ne’e governu estadu Timor-Leste tenke husu legalidade kompaña nian, tanba kompaña sai hanesan investór ida nia mai atu investe ita nia rai, ita nia governu tenke hatama fali osan 64 pursentu, emprezáriu ida ne’e mai ho 36 pursentu, ida ne’e mak sai ami dúvida,” Dehan Prezidente Konsellu Veteranu Dili, Salustiano Belo Uro iha Rezidénsia PM Faról Dili.

Nia informa, kompañia ida bainhira atu tama iha fatin ida tenke respeita kultura ne’ebé iha, tanba ida ne’e konsagra ona iha konstituisaun artigu 59 aliña 5, katak tenke respeita kultura maibé, realidade kompañia tama iha nebá ke’e rai arbiru nunka obedese ba kultura nain sira.

Ami hakarak bele hasai fatuk ne’ebá, maibé planu ba fábrika ne’e tenke muda, segundu ponte kais ami la aseita tau iha nebá tanba iha área ne’e, área protezidu, neduni iha área nebá uma lisan 38 ne’e ninia direitu hotu tanba ne’e ami proteze fatin nebá ami sei la fó ba ema ida,” haktuir Nia. Flo

Leave a Reply

Your email address will not be published. Required fields are marked *