Komunidade Baucau Ható Preokupasaun Ba PR “Lú-Olo”
Naunil Media (Díli), Representa Komunidade munisípiu Baucau ható asuntu sosial liu-liu kona-bá nesesidade povu hanesan estrada no bee-moos iha baze ba xefí estadu hodi bele atende povu nia aspirasaun sira ne’e.
Lia hirak ne’e ható husi Responsavel Representante Diresaun Baze munisípiu Baucau Manuel Ximenes “Besi-Krekas” ba Jornalista bainhira remata hasoru malu ho Prezidente Repúblika (PR) Francisco Guterres “Lú-Olo” iha palásiu Prezidente Nicolau Lobato Bairru Pite, Kuarta, (13/10).
“Ohin ami hasoru Prezidente Repúblika ami ko’alia asuntu husi tempu rezisténsia no mós povu ne’ebé hela iha baze, no ami ko’alia kona-bá asuntu sosial no mai hasoru Prezidente Repúblika para ható nesesidade povu nian iha baze, ne’ebé ke ohin loron povu moris iha rural, tanba ne’e mak ami representa husi povu no mai ko’alia aspirasaun ida ne’e ba Prezidente para atu atende”, Dehan responsavel Manuel Ximenes.
Responsavel ne’e hatutan, Nesesidade ne’ebé mak povu infrenta iha baze mak hanesan, estrada hodi difikulta povu lori produtu lokal mai merkadu nasionál no bee-moos ne’ebé iha fatin-fatin la bele asesu.
“Nesesidade povu nia mak estrada ladún di’ak iha baze para atu lori produtu lokal mai iha merkadu nasionál, no nesesidade seluk mak bee-moos ne’ebé mak agora iha fatin-fatin seidauk bele asesu, mak reprezentante husi rezisténsia mai ható ba Prezidente Repúblika”, tenik responsavel.
Manuel Ximenes hateten, Preokupasaun sira ne’e liu husi Suku no Aldeia la’o maibé i nome de rezisténsia mós tenke liu husi baze para atu bele suporta suku no aldeia bele forte liu tan.
“Se xefí suku de’it mak bele la’o maibé bainhira povu hamri’ik para atu reforsa tan lider lokál sira, atu sai di’ak tanba ne’e mak ohin ami mai hasoru prezidente Repúblika”, esplika Manuel Ximenes.
“Besi-Krekas”, Esplika preokupasaun sira ne’e iha suku hotu-hotu, reprezentante ponta leste mai para atu bele lori prosesu sira ne’e atu ható ba PR oinsá kanaliza no la’o iha territóriu tomak tanba ne’e mak ohin aprezenta.
Iha enkontru ne’e Prezidente Repúblika mós fó resposta ba sira katak ne’e di’ak liu tanba rezisténsia bainhira mai ona depois ida ne’e sei akumula oinsá para atu la’o di’ak iha iha nasaun Timor-Leste. *Jos
