PM Taur: Apresenta Asuntu Rua Ba PR

Naunil Media (Dili), Primeiru Ministru (PM) Taur Matan Ruak,  Hateten ohin ko’alia asuntu rua ho xefí estadu mak hanesan kampaña vasinasaun no mós Orsamentu Jerál Estadu (OJE) 2022 ne’ebé tuir lei 15 Outubru sei lori ba Parlamentu Nasionál (PN).

Xefí Guvernu ható lia hirak ne’e ba jornalista sira hafoin enkontru semanal ho Prezidente Repúblika (PR), Francisco Guterres “Lú-Olo” iha palásiu Prezidente Nicolau Lobato Bairru Pite, kinta (14/10).

“Ne’e enkontru semanal ho Prezidente Repúblika ko’alia asuntu rua de’it kona-bá situasaun Covid-19, iha ita nia rai no mós kampaña vasinasaun ne’ebé dadaun ne’e halo iha Timor laran tomak, seluk mak Orsamentu Jerál Estadu (OJE), 2022 ne’ebé tuir lei 15 Outubru ne’e tenke lori ba Parlamentu Nasionál”, dehan Xefí Governu Taur Matan Ruak.

Xefí Governu hatutan guvernu seidauk bele desmantela sentru integradu jestaun krize tanba dadaun ne’e mós Timor-Leste sei iha estadu emerjensia no karik iha nesesidade ona mak bele desmantela.

“Ita dadaun ne’e iha hela estadu emerjénsia EE,  embora ita flexsibiliza situasaun se kazu a nivel nasionál duzentus i tall mas, situasaun serka sanitária ho konfinamentu obrigatoriu laiha ita flexsibiliza, Tanba ne’e mak ita haree hela se nesesidade redusaun ne’e makas laiha ona nesesidade naturalmente ita bele desmantela mas enkuantu seidauk ha’u hanoin ita kuidadozu loos”, Tenik PM Taur.

Primeiru Ministru mós kontenti tanba kazu Covid-19 bele tun ne’e signifika vasinasaun ne’e liu-liu, Nia mós fó parabens ba Díli tanba primeira doze segunda doze kuaze ultrapasa 70 i tall pursentu ne’e di’ak loos.

Taur hateten,  Persentazen vasinasaun iha nivel nasionál ne’e seidauk atinze 70% pratikamente no iha nivel nasionál segunda doze 40 i tall pursentu primeira doze 60 i tall pursentu sei dook target sira ne’ebé guvernu hakarak ne’e 80 %

Eis Prezidente Repúblika ne’e esplika tó Dezembru mak bele atinze 80%, no espera bele atinze ne’e di’ak, tanba bele ajuda normaliza fali situasaun liu-liu fasilita aktividade iha tinan oin hanesan eleisaun prezidensiál no mós atividade ekonómika.

Iha enkontru ne’e Prezidente Repúblika mós fó rekomendasaun ba governu tenke halo esforsu para vasina sira ne’ebé iha tenke vasina hotu,  tanba ne’e guvernu esforsu aan halo hela, espera katak Timor-Leste bele aplika hotu vasina ne’ebé iha.

Tanba vasina ne’ebé mak dadaun ne’e Timor-Leste simu hamutuk 1.3 miloens (juta ida rihun atus tolu), sei iha (rihun atus tolu resin besik rihun atus haat) ne’ebé seidauk aplika. Jos